«زمانوی» سنگاپورنینگ اساسچیسی لیکوان یو، دوشنبه کونی مارچ آیی نینگ 23- سیده 91 یاشیده حیاتدن کوز یومدی.
اوزاق مدتدن بیری ریه کسللیگیدن ازیت چیکهدیگن لیکوان یو اوشبو کسللیک سبب عالمدن اوتدی.
لی، 31 ییل سنگاپور باش وزیری صفتیده ایشهلگن. لی 31 ییل جریانیده مملکتینی کیچیک بیر بندری شهردن آسیا اینیقسه دنیا بازاریده ییریک اقتصادی دولتگه ایلنتیریشگه موفق بولگن.
امریکه جمهور رییسی بارک اوباما، لینی ییریک تاریخی شخصیت بولگن لیگینی ایتگن.
شونینگدیک بیرلشگن ملتلر تشکیلاتینینگ باش کاتبی بان کیمون سنگاپورلیک مذکور رهبرنینگ حیاتدن کوز یومگن لیگیدن تاثیرلهنیب ایتیشیچه، لی، آسیادهگی الهام بخش ایتووچی رهبرلردن ایدی.
لی، نینگ باش وزیرلیک پیتیده سوز ایرکینلیگی اوچون بعضی چیکلاولر موجود بولگن. شونگه قرمهسدن اونینگ سنگاپور اقتصادی اوچون اولگن تاثیری بولگنلیگی سبب هر دایم اهالی تامانیدن حرمتگه سازاوار بولگن.
سونگی ییللردن بیری لینینگ سیاستدن چیتلهنیشیگه قرهمسدن، سنگاپور سیاستی و اقتصادی اوچون اونینگ ییریک تاثیری بولگنی تاکیدلنهدی.
حاضر لی کوان یونینگ فرزندی لی هسین لونگ سنگاپور باش وزیری ایتیب تعین لنگن.
لیکوان یو، حزب عمل خلق سیاسی حرکتینینگ اساسچیلریدن بولگن. مذکور حزب سنگاپور مجلسیدهگی 87 لوازمدن 80 لوازمگه ایگه ایکنلیگی باعث بو مملکتده کوچلی سیاست حرکتلردن سنلهدی.
لی، عالمدن اوتیشی بیلن سنگاپورده ییتی کون ملی ماتم اعلان قیلینگن. اونینگ توپراققه تاپشیریلیش مراسمی مارچ آیی نینگ 29-سیده اوتکزیلیشی انابتگه آلینگن.
