ملی خوفسیزلیک رسمیلری، کابل شهرینینگ 3-ناحیهسیگه بیر خاص عملیات یولگه قوییب ایکی انتحارچی کیشینی قولگه آلگنلر.
انتحارچی کیشیلرنینگ آتلری رفیعالله و فیروز کوچی ایکن. اولر قطار پارتلش ماده، بیر میل تفنگچه و بیر کرولا موتر بیلن ملی خوفسیزلیک قولیگه توشگن.
مذکور کیشیلر ماین و انتحاری واسکت توزهتیش تعلیماتینی پشاورگه کورگن ایکنلر.
قولگه آلینگن کیشیلر حقانی ترماغینینگ قومندانلریدن بیری ماموریتی آرقهلی باشقه 5 انتحارچی کیشی همکارلیگیده کابل شهرینینگ 5- حوزهسیگه هجوم قیلیش قرارینی قیلگن ایکنلر.
مدنی فعاللر، دین عالملر و سیاسی بیلمدانلر اوستیگه هجوم قیلیش مذکور کیشیلرنینگ باشقه برنامهلریدن ایکن.
