افغانستان بوییچه ناگرانلرنینگ حقوقی بوییچه فعاللردن بیرقطاری، ناگرانلرنینگ حقوقی تیکشیریلیشی خصوصیده، حکومت نینگ دقت‌سیزلیگی‌دن تنقید قیلیب ایتیش‌لریچه، قانون اساسیده، دولتی اداره‌لرده ایشلاوچیلردن 3% نی ناگران کیشی‌لر تشکیل بیریشی کیره‌ک، بیراق دولتی اداره‌لرده ناگرانلرنینگ حضوری 1% گه هم ییتیشمه‌یدی.
بوگون «دوشنبه، 9- جدی» کابل‌ده اوتکزیلگن خبری بیر ییغینده ناگرانلرنینگ حقوقی بوییچه فعاللردن بیرقطاری، مملکت‌ده ناگرانلر حقوقلری گه قول تاپه آلمه‌سینی خواطرلی دییشگن.
اوشبو فعاللر، اوقیش‌گه قول تاپه آلمسلیک، مناسب ایش و ساغلیک خذمت‌لری یوقلیگی‌نی ناگرانلرنینگ اساسی قیین‌چیلیک‌لریدن دیب بیلیشه‌دی.
افغانستان بوییچه انسان حقوقی ایرکین کمیسیونی نینگ ناگرانلرنینگ حقوقی‌دن حمایت قیلیش بولیم باشلیغی محمدعلی محبتی، مملکت‌ده ناگرانلرنینگ وضعیتی گه حکومت نینگ دقت‌سیزلیگی‌دن تنقید قیلیب ایتیشیچه، دولت ناگرانلرنینگ نیازلری رفع ایتیلیشی خصوصیده، زمینه یره‌تمه‌گن.
محمدعلی محبتی نینگ ایتیشیچه، ناگرانلرنینگ حقوقی خصوصیده بولگن قانون اساسیده، دولتی اداره‌لرنینگ ایشلاوچیلریدن 3% نی ناگرانلر تشکیل بیریشی کیره‌ک، بیراق دولتی اداره‌لرده ناگرانلرنینگ سهمی 0.05% گه ییتیشه‌دی.
ماین دن زیان کورگن افغانلر مؤسسه‌سی باشلیغی حسین احمدی نینگ ایتیشیچه، حکومت ناگرانلر اوچون سیاسی حقوقلری گه قول تاپیش خصوصیده، زمینه یره‌تمه‌گن.
جناب احمدی گه کوره، جاری ییل جمهورلیک ریاست سیلاویده مملکت نینگ 7 ولایتی جمله‌دن کابل، هرات، بلخ، بامیان، قندهار، ننگرهار و پروان ده 90 آواز بیریش محل‌ده 190 ناگران اشتراک قیلگن و بو موضوع حاضرگی توزوم گه ناگرانلرنینگ علاقه‌سیزلیگی‌نی کورسته‌دی.
بیراق، ناگرانلر و شهیدلرنینگ ایشلری بوییچه دولت وزیرلیگی سوزلاوچیسی ضیاءالحق فضلی نینگ سلام‌وطندارگه ایتیشیچه، ناگرانلردن کمیده 1% ایرکین رقابت اساسیده، دولتی اداره‌لرده تعیین ایتیلگن و دولت ناگرانلرنینگ میزانی‌نی دولتی اداره‌لرده 3% گه ییتیشتیریش اوچون سعی و حرکت قیله‌دی.
خلق ارا ساغلیک تشکیلاتی نینگ گزارشلری اساسیده، دنیا جمعیتی‌دن 15% نی ناگرانلر تشکیل بیره‌دی و اولردن 80% آز درآمدلی مملکت‌لرده یشه‌یدی. ناگرانلردن کوپینچه‌سی نینگ یاشی 15 دن یوقاری دیر.
شو توغریده…
ناگران کیشی‌لرنینگ ایش‌گه آلیش طرزالعملی امضاءلندی؛ ناگرانلر شکایت قیلیشگن
