اجتماع
شهیدلر و ناگرانلرنینگ ایشلری بوییچه دولت وزیرلیگی بودجه و امکانیت آزلیگی‌دن تنقید قیلدی
شهیدلر و ناگرانلرنینگ ایشلری بوییچه دولت وزیرلیگی مسووللری، حکومت نینگ شهیدلر و ناگرانلر وضعیتی‌گه دقت قیلمه‌گنی‌دن تنقید قیلگن‌لر. اولرنینگ ایتیشیچه، اوشبو وزارت بودجه و امکانیت آزلیگی بیلن روپه‌ره بولگن.
بوگون "سه‌شنبه" کابلده خبری ییغین اوتکزگن شهیدلر و ناگرانلرنینگ ایشلری بوییچه دولت وزیری لعل‌الدین آریوبی نینگ ایتیشیچه، ناگرانلر برابریده بولگن اساسی قیین‌چیلیک‌لردن بیری ایش‌سیزلیک دیر و دولت نینگ بوتوغریده دقت قیلیشی کیره‌ک.
جناب آریوبی‌گه کوره، شهیدلر و ناگرانلرنینگ ایشلری بوییچه دولت وزیرلیگی اختیاریده ییترلیچه بودجه قوییلگن ایمس.
جناب آریوبی نینگ کوپه‌یتیریشیچه، بیر اورین باسرلیک اختیاریگه قرار بیریله‌دیگن امکانیت اوشبو وزارت اختیاریگه قرار بیریلگن.
شهیدلر و ناگرانلرنینگ ایشلری بوییچه دولت وزیرلیگی تامانیدن بیریلگن رقملرگه کوره، شهیدلر و ناگرانلر عایله‌لریدن 11300 مینگ کیشی اوشبو وزارتده رویخط گه آلینگن.
مملکت جمعیتیدن 10.3% نی ناگرانلر تشکیل بیره‌دی و بوجمله‌دن 700 مینگ ته‌سی طبیعی شکلده ناگران بولگنلر.
