بوگون "چهارشنبه" اساسی قانوننینگ 15- ییللیگیدن نشانلش مراسمیده افغانستان حقوقدانلر بیرلشمهسی اعضالریدن بیرقطارینینگ ایتیشیچه، اوتمیشلرگه قرهگنده ملی بیرلیک حکومتینینگ حاکمیتیده اساسی قانون کوپراق نقض ایتیلگن.
افغانستان حقوقدانلر بیرلشمهسینینگ اعضاسی سبحان مصباحنینگ ایتیشیچه، ملی بیرلیک حکومتینینگ حاکمیتیده اساسی قانون 162 مادهسیدن، 122 مادهسی حکومت رسمیلری تامانیدن نقض ایتیلگن.
اونینگ ایتیشیچه، کیلهجک ییلده هم بو جریان دوام تاپگن صورتده، اساسی قانوندن نشانلش جایده، قیغو مراسمی یولگه قویهمیز.
عینحالده، ملی بیرلیک حکومتینینگ اجراییه رییسی عبدالله عبداللهنینگ ایتیشیچه، مملکتده اساسی قانون نقض ایتیلگن؛ بیراق اولر قانونی عملگه آشیریش اوچون سعی و حرکت قیلهدیلر.
حکومت اجراییه رییسینینگ اوشبو مراسمده ایتیشیچه، جمهورلیک ریاستی سیلاویده تینیقلیک کیلتیریش اوچون سیلاو زمانیده اوزگریشلیک کیلتیریلگن.
اساسی قانون عملگه آشیریلیشیدن نظارت قیلیش کمیسیون باشلیغی محمدقاسم هاشمزی نینگ ایتیشیچه، اساسی قانونی عملی قیلیش خصوصیده کوپینچه قیینچیلیکلر بیلن روپهره بولهدیلر.
اونینگ ایتیشیچه، بو توغریده حکومتنینگ اوشبو کمیسیونگه همکارلیک قیلیشی کیرهک.
