نی و یا-ده افغانستان مدیالریدن حمایت قیلهدیگن نهادنینگ تحقیقاتی گه کوره، مملکت کوپینچه یشاوچیلری اجتماعی ترماقلر تامانیدن ترقهتیلهدیگن ساخته خبرلرگه ایشانهدی.
اوشبو نهاد باشلیغی مجیب خلوتگرنینگ ایتیشیچه، اجتماعی ترماقلر ایشلاوچیلریدن 94 فایزی ساخته خبرلرگه ایشانهدی.
مذکور تحقیقات گه اجتماعی ترماقلر فعاللریدن 1353 کیشی اشتراک قیلگن؛ بیراق 6 فایزی(81 کیشی) اجتماعی ترماقلرگه ساخته خبرلر تاثرلی ایمس دیدیلر و باشقه 607 کیشی ساخته خبرلرنی ترقهتیشیگه قوللری بولگنی نی ایتهدی.
اجتماعی ترماقلر فعاللریدن بیری نگینهنینگ ایتیشیچه، ساخته خبرلرنینگ ترقهتیلیشی سبب یشاوچیلر توغری و ناتوغری خبرلرنی فرق قیله آلمهیدی. خانم نگینه گه کوره، ساخته خبرلرنینگ اجتماعی ترماقلرگه ترقهتیلیشی، نهادلر و کیشیلر حیثیتی گه ضربه اورهدی.
قطار ژورنالیست لرنینگ ایتیشیچه، توغری و دقیق معلوماتلر بولمهگنی سبب ساخته خبرلر اهالی آرهسیده ترقهتیلهدی.
ژورنالیستلردن بیری محمدرقیب فیاضنینگ ایتیشیچه، توغری آمار و معلومتلر ترقهلمهیشی حکومت و اهالی آرهسیده فاصله ایجاد ایتیلیشی گه سبب بولهدی.
