ناټو په افغانستان کې خپلې جګړه ییزې تګلارې کې بدلون راولي

د بلژیک ښار بروکسل د درېیو ورځو له پاره د ناټو غړیو ۴۵ هېوادونو د دفاع وزیرانو د غونډې کوربه دی.

د امریکا د دفاع وزیر اشټون کارټر په وینا، په دې غونډه کې به پر داعش وسله والې ډلې د بریدونو زیاتول او په ختیځه اروپا کې د روسیې د نفوذ مخنیوی په ځانګړي ډول په اوکراین کې د خبرو اترو اصلي محور وي.

کارټر د امریکا له سي، بي، سي ټلویزیون سره په مرکه کې وویل، چې ټاکل شوې ده، د ناټو رهبري په افغانستان اونورو هغو سیمو کې چې ځواکونه د ګوریلايي جنګونو سره مخ دي، خپلې جګړه ییزې تګلارې ته بدلون ورکړي.

دې ټلویزویون د امریکا د دفاع وزیر له قوله راپور ورکړی، چې ناټو سوریې ته د عربستان هېواد د ځواکونو له ورتګ نه هم اندېښنه لري، خو تر اوسه پورې دغه موضوع یو احتمالي انتخاب بولي.

د امریکا د دفاع وزیر وايي، چې د پخوا په پرتله اوس د ناټو پر وړاندې شته ستونزې او ننګونې پېچلې او پراخې شوي دي.

دی وايي، چې دغو ستونزو په ناټو باندې یرغل کړی دی.

د برېټانیا دفاع وزیر مایلک فالون وايي، چې پر داعش ډلې د بریدونو زیاتېدل په لیبیا کې د بریدونو د زیاتوالي په معنا دي.

نوموړي وویل، د لیبیا هېواد هم د داعش ډلې د نفوذ سره مخ دی.

فالون وايي، چې د لیبیا تازه تشکیل شوي دولت په غوښتنه دوی د دغه هېواد د اردو سره په ګډه همکارۍ د ۶ زره عملیاتو قوماندانۍ کولی شي.

په بروکسل کې د ناټو غړیو هېوادونو د اروپايي اتحادیې سره د سایبریا امنیت په نوم یو هوکړه لیک لاسلیک کړ.

د دغې هوکړې پربنسټ به د ناټو او اروپايي ټولنې تر منځ امنیتي اطلاعات په چټکۍ سره انتقالېږي.

د بروکسل غونډه تېر ورځ پیل شوه او تر سبا پورې به دوام وکړي.

دغه غونډه د ناټو غړیو هېوادونو له پارمهمه ده، ځکه چې په ورشو کې د ناټو کلنۍ غونډه له پاره بنسټ جوړوي.