ناسا ادارې په نړۍ کې د خوږو اوبو کموالی د ۲۱مې پېړۍ تر ټولو ستره ستونزه ګڼي. دا اداره د خبرداري په وروکولو سره وايي، د نړۍ وچې سیمې د اوبو د کمښت له ډېر خطر سره مخې دي.
ناسا ادارې د نړۍ هغه سیمې په کره ډول مشخصې کړي چې د خوږو اوبو له ډېر استعمال وروسته له خطر تر سرې کرښې لاندې دي.
د ناسا ادارې د نوي راپور محققینو ویلي، په وروستیو کالونو کې د نړۍ د باران د اوبو ذخیرې او حوضونه له اوبو ډک شوي او په مقابل کې یې هغه سیمې چې د ځمکې لاندې اوبو نه ګټنه کوي؛ له نامناسبې وچکالۍ سره لاسوګرېوان دي.
د ناسا او (جيپياېل) ازمایشګاه نوي اطلاعات ښيي چې له ۲۰۰۲ زېږدیز کال راهیسې د خوږو اوبو په ذخیرو کې ژور بدلون راغلی دی.
د هند په شمال او شرق، ختیځ چین، کلفورنیا، د روسیې جنوب، اسټرالیا او منځنۍ اسیا کې د خوږو اوبو کمښت د ځمکې لاندې اوبو نه ډېره استفاده او د هغو حاصلاتو کرل دي چې ډېرې اوبه مصرفوي.
د ناسا په باور، دا سیمې د اوبو د ډېر استعمال په دلیل د خوږو اوبو له کمښت سره مخ دي او د دولتونو له اقدام پرته به په قوي احتمال د اوبو له جدي ستونزې سره مخې شي.
د دې راپور لیکوونکي وايي، ممکن د نړۍ هره سیمه د اوبو له کموالي سره مخ شي؛ خو هغه ځای کې چې خلک د اوبو کمو سرچینو ته لاسرسی لري؛ وضعیت ډېر خراب دی.
