نیکلاس کی ناتو تشکیلاتی‌نینگ سابق ملکی نماینده‌سی کورنلیوس زمرمن نینگ اورنی گه کابل‌ده تعیین ایتیلدی.
ناتو تشکیلاتی تامانیدن ترقه‌تیلگن خبرنامه‌ده ایتیلیشیچه، ناتو تشکیلاتی‌ده نیکلاس کی نینگ مسؤولیتی افغانستانده مذکور تشکیلات نینگ سعی و حرکت‌لری خصوصیده مصلحت بیریش و شونینگدیک، افغانستانده ناتو تشکیلاتی نینگ باشقه شریک‌لری بیلن علاقه‌سینی تأمین قیلیش دیر.
ناتو تشکیلاتی‌نینگ خبرنامه‌سیده کیلیشیچه، مذکور تشکیلات نینگ ینگی ملکی نماینده‌سی افغانستان حکومتی نینگ رهبرلری، نماینده‌لر کینگشی نینگ اعضالری، دنیاجماعه‌چیلیگی نینگ نماینده‌لری، مدنی جماعه‌چیلیک نماینده‌لری و خلق ارا غیر دولتی تشکیلاتلر بیلن یقیندن همکارلیک قیله‌دی.
جناب کی کابل گه ییتیشمس‌دن آلدین ایتیشیچه، افغانستان نینگ تینچلیک سعی و حرکتلریدن ناتو تشکیلاتی نینگ حمایتی‌نی اعلام قیلیش توغریسیده سعی و حرکت قیله‌دی.
جناب نیکلاس کی نینگ ایتیشیچه، افغانستان اهالیسی 2019- ییل جریانیده تینچلیک تأمین‌لنیشینی کوته‌دی و ناتو مذکور مملکت نینگ تینچلیک سعی و حرکتلریدن حمایت قیلیش اوچون حرکت قیله‌دی.
افغانستان بوییچه ناتو تشکیلاتی نینگ ینگی ملکی نماینده‌سی، بوندن آلدین بیر ییل کابل ده بریتانیا ایلچیسی صفتیده ایش قیلگن و شونینگدیک، جنوبی آسیا منطقه‌یی اداره‌سیده پاکستان و افغانستان بولیمی‌نینگ باشلیغی صفتیده تجربه‌سی بار.
شونینگدیک، جناب کی انچه مدت سومالیاده بیرلشگن ملت‌لر تشکیلاتی نینگ باش کاتبی‌نی خاص نماینده‌سی ایدی.
کورنلیوس زمرمن، میلادی 2017- ییل‌دن بویان افغانستانده ناتو تشکیلاتی نینگ ملکی نماینده‌سی صفتیده فعالیت قیلردی.
