بوگون «پنجشنبه، 5- جدی» کابلده اسلام وحدت حزبی تامانیدن یولگه قوییلگن سیاسی ییغینده برقرارلیک و یقینلیک سیلاو تیم رهبری عبدالله عبدالله نینگ ایتیشیچه، سیلاو ایرکین کمیسیونلری خلق آوازلریدن حمایت قیلیب و کیمسه گه ساختهکارلیککه رخصت بیرمهسی کیرهک.
اونینگ ایتیشیچه، برقرارلیک و یقینلیک سیلاو تیمی گه قرشی و ملی بیرلیک مستحکملنیشی برابریده دسیسه دوام ایتماقده، بیراق اولر بو دسیسهنینگ فرقیده دیر.
برقرارلیک و یقینلیک سیلاو تیمی نینگ رهبری، دولت قورووچی سیلاو تیمی گه اشاره قیلیب ایتیشیچه، «برقرارلیک و یقینلیک سیلاو تیمی، لایحهسی ساختهکارلیک و ایشلری نینگ اساسینی یالغانچیلیک تشکیل بیرهدیگن تیم گه روپهره بولیب تورگن.»
شونینگدیک، اوشبو ییغینده اسلامی وحدت حزبینی رهبری محمدکریم خلیلی نینگ ایتیشیچه، جمهورلیک ریاست سیلاوی نینگ دستلبکی نتیجهسی خلق اوچون قبول قیلینمس بولیب و ساختهکارلیک اساسیده بولگن حکومت نی تَن آلیشمهیدی.
جناب خلیلی، جمهورلیک ریاست سیلاوی نینگ دستلبکی نتیجهسی اعلان قیلینگنینی دهشتلی بیلیب ایتیشیچه، بو نتیجه سیلاو شکایتلرینی تینگلش کمیسیونی تامانیدن تصدیقلنیشی گه سیاسی حزبلر رخصت بیریشمهیدی.
عین حالده، بوگون کابلده اوتکزیلگن باشقه بیر ییغینده افغانستاننی قوتقریش بوییچه سیاسی حزبلر بیرلشمهسی، سیلاو شکایتلرینی تینگلش کمیسیونیدن طرفسیزلیک نی نظرگه آلیب قانون و طرزالعمللر اساسیده، سیلاو تیملری تامانیدن رویخطگه بیریلگن شکایتلرنی تیکشیریشینی سورهگن.
شونینگدیک، اوشبو بیرلشمه سیلاو ایرکین کمیسیونیدن تیزلیککه جمهورلیک ریاست سیلاوی نینگ سونگی نتیجهسی اعلان قیلینیشینی طلب قیلگن.
