مملکت جمهور رئیسی محمداشرف غنی تینچلیک مصلحتی قورولتایینینگ سونگی کونیده، طالبان گروهی گه یخشی نیت کورسهتیش و رمضان مبارک آیینینگ حرمتی بیلن طالبلرنینگ 175 محبوسی افغانستان قماقخانهلریدن قوییب یوباریلیشی توغریسیده سوزبیرگن ایدی.
جمهور رئیس غنی مذکور قورولتای گه طالبلرگه خطاب ایتیشیچه، مذکور محبوسلرنینگ آلیش اوچون هیأتلرینی کابل یا-ده افغانستان نینگ باشقه بیر شهریده یوبارسین و بیر خاص افغانی مراسمده محبوسلری نینگ تسلیم آلسین.
بیراق جمهور رئیس نینگ اوشبو سوزیدن ایکی کون اوتیشی بیلن حاضرگچه مذکور محبوسلر قچان قوییب یوباریلیشی بیللی بولمهگن.
جمهورلیک ریاستی سوزلاوچیسینینگ اورین باسری شاهحسین مرتضوی سلاموطندارنینگ قونغراغی گه جواب ایتیشیچه، طالبلرنینگ محبوسلرینی قوییب یوباریلیشی توغریسیده آرتیق معلومات بیریش باش قارالاوچیلیک نینگ مسئولیتی دیر. بیراق باش قارالاوچیلیک سوزلاوچیسی جمشید رسولی نینگ ایتیشیچه، اوشبو موضوع « بیزلرگه تیگیشلی ایمس، جمهوررئیس سوزلاوچیسیدن سوال قیلیشینگیز ممکن».
افغانستان حقوقدانلر بیرلشمهسی اعضاسی گلاحمد مددزی نینگ ایتیشیچه، جمهور رئیس نینگ سوزی اساسیده 175 محبوس نینگ قوییب یوباریش ممکن ایمس و شونینگدیک جناب غنی اوشبو سوزینی عمل گه آشیریش اوچون بیر فرمان صادر قیلیشی کیرهک.
تینچلیک مصلحتی قورولتایی نینگ سونگی کونیده طالبان محبوسلری نینگ قوییب یوباریلیشی توغریسیده جمهور رئیس نینگ بیرگن سوزی قطار عکسالعمللرگه روپهرو بولگن. مذکور قورولتای اشتراکچیلریدن قطاری جمهور رئیس نینگ اوشبو قراریدن خرسندلیک بیلدیرگنلر و شونینگ باشقه بیر قطاری مذکور قرار گه قرشیلیک بیلدیرگن.
