میدیا مسؤوللری و خبرچیلردن بیرقطاری، اوتگن کون کابلده خبرچیلرنینگ جانی گه قصد قیلینگن قانلی واقعهنی قارهلگنلر.
10- ثور کابلده یوز بیرگن قانلی واقعهدن بیر کون اوتگنیدن سونگ، میدیا مسؤوللری، خبرچیلرگه طرفدار ادارهلر و اونلرچه خبرچی ایری شکلده نمایش اوتکزیب، خبرچیلر هدف قرار بیریلگن هجومنی قتیق قارهلب و دولتدن خبرچیلرنینگ خوفسیزلیگی تأمینلنیشی توغریسیده دقت قیلیشینی سورهگن.
اولر حکومتنی خبرچیلرنینگ خوفسیزلیگی تأمینلنیشی خصوصیده، بیفرق یاندهشیشگه عیبلب و حکومتدن یوز بیرگن قانلی واقعه عامللرینی تانیب و محکمه گه تارتیشینی سورهگن.
بدخشان ولایتینینگ معلومات و مدنیت ریاستی باشلیغی نقیبالله ثاقبیارنینگ ایتیشیچه، خبرچیلرنینگ خوفسیزلیگیدن خواطرده دیر و خبرچیلر خوفسیزلیگی تامینلهنیشی خصوصیده توجه ایتیلیشی کیرهک.
عینحالده، فاریاب ولایتینینگ معلومات و مدنیت ریاستی باشلیغی ذکریا ناصری و غزنی خبرچیلر کمیتهسینینگ مسؤولی جمیل وقار، ترورچیلر تامانیدن خبرچیلرنینگ اولدیریلیشینی ایرکین سوزگه قرشی سعی و حرکت قیلیش دیدیلر.
اولرنینگ ایتیشیچه، خبرچیلر معلومات بیریش خصوصیده اوتمیشلردن کوره فعال بولیب و ایرکین سوز سیسی نی بلند قیلهدیلر.
باشقه بیرتاماندن خبرچیلر و رسانهلر مسووللری، خبرچیلرگه قرشی هجوم نی دنیا بوتون موازین لریگه قرشی بیلیب، خبرچیلرگه قرشی هجوملر کوپهیشی اولرنینگ ایشلرینی دوام بیریشلری خصوصیده خواطرگه تشلهگن دیدیلر.
بدخشان محلی رسانهلردن بیرینینگ مسووللی عبدالبصیر حقجونینگ ایتیشیچه، غزنی و بدخشان ولایتلرینینگ خبرچیلری تروریستی گروه لرفعالیتلرینی تحریم قیلهدی.
اوتگن کون، کابل شهرینینگ ششدرک منطقهسیده یوزبیرگن خودکش هجوم نتیجهسیده 9 خبرچی اولیب و باشقه 7 خبرچی یرهلنگن.
شونینگدیک، نیچه کون آلدین محلی میدیا خبرچیلریدن بیری قندهارده اولدیریلگن ایدی و اوتگن کون بیبیسینینگ محلی بیر خبرچیسی خوست ولایتیده اولدیریلدی.
