عامه ساغیلک وزیرلیگی نی فکر اورگهنیشینینگ کورستیشیچه، مملکتده هر ایکی کیشی دن بیرتهسی، روحی کسللیککه چالینگن.
مذکور وزیرلیک مسئولری بوگون «یکشنبه» کابلده خبری بیر ییغین آرقلی ایتیشلریچه، روحی کسللیکلر بیلن کورهشیش اوچون 110 داکتر تعلیمات کورگن.
عامه ساغلیک وزیرلیگی نی ساغلیک خدمتلر ترقتهدیگن معینی فدامحمد پیکاننینگ ایتیشیچه، مملکتده 2006- ییلده یالغیز ایکی روحیطب متخصصی فعالیت قیلرایدی؛ بیراق حاضر 100 دن آرتیق کیشی بو توغریده فعالیت قیلهدی.
پیکاننینگ کوپه یتیریشیچه، مملکتنینگ ساغلیک مرکزلریده کمیده 750 روحی مصلحتچی استخدام ایتیلگن.
عینحالده، روحی ساغلیک کسلخانهسیدهگی داکتر و روحی مصلحتچی ایمل صافینینگ ایتیشیچه، کونده 400 دن آرتیق کیشی بو کسلخانهده مراجعت قیلهدی.
اونگه کوره، مذکور کسللردن قطاری معاینه دن کیین روحی کسلخانهسیده یوباریلهدی و قیینچیلیگی جدی بولگن کیشیلر بو کسلخانهده بستری بولهدی.
قیینچلیک و عایلوی زورهوانلیکلر، اجتماعی وضعیت، قشاقلیک و ایشسیزلیک روحی کسللیکلر اوچون کته عامللر دیب ایتیلگن.
