تاشکینت ییغینیده اروپا بیرلشمهسینینگ خاص نمایندهسی و تشقی علاقهلر ایشلری مسؤولی فدریکا موگرینینینگ ایتیشیچه، افغانستان حکومتی بیلن طالبلرنینگ تینچلیک سوزلشوولری، بیرلشگن ملتلر تشکیلاتینینگ تحریماتی رویخطیدن طالبلرنی آتی چیقاریلیش بولیمیده اروپا بیرلشمهسی کابل بیلن همکارلیک قیلمهگن صورتده، نتیجه بیرمهیدی.
موگرینی دنیا مملکتلریدن ترورچی گروهلرنینگ حرکتلرینی نظرگه آلیب و افغانستان حکومتی گه یاردم بیریشلرینی سورهدی.
اونینگ ایتیشیچه، ترورچی گروهلر اوچون تینچلیک لایحهسی آلتین و بی بدیل بیر فرصت دیر و دنیا مملکتلری افغانستان رهبرلیگیده تینچلیک لایحهسیدن حمایت قیلیشی کیرهک. موگرینی گه کوره، اوروش و نتیجهسی یالغیز افغانستاننینگ قیینچیلیگی ایمس؛ بلکیم منطقه مملکتلری اینیقسه اورته آسیا مملکتلری ترورچی گروهلرنی نابود قیلیش و اوروش گه نقطه قوییش اوچون افغانستان گه یاردم بیریشلری لازم.
موگرینینینگ کوپهیتیریشیچه، افغانستان تینچلیک لایحهسیدن اروپا بیرلشمهسی حمایت قیلیب و اوروش گه نقطه قوییلیشی اوچون هیچ قندهی همکارلیکدن وازکیچمهیدی.
بوگون «سهشنبه» تاشکینت ییغینیده اوزبیکستان جمهور رییسی شوکت میرضیا یوفنینگ ایتیشیچه، افغانستان حکومتی بیلن تینچلیک قیلیش اوچون طالبان گروهی مجبورلنیشی کیرهک. اونگه کوره، افغانستان خوفسیزلیگی اوزبیکستان و منطقه خوفسیزلیگی دیر و منطقهده ترورچیلرنی نابود قیلیش اوچون برچه واریانتلر، حتا زوردن فایدهلنیش لازم.
اوزبیکستان جمهور رییسینینگ ایتیشیچه، اوشبو ییغین یولگه قوییلیشی دن مقصد، منطقهیی همکارلیکلر یانیده، افغانستانده اوروش گه نقطه قوییلیشی اوچون ییچیم یول آختریش دیر و اولر افغانستان رهبرلیگی ده تینچلیک لایحهسیدن حمایت قیلهدی. او، افغانستاننینگ حاضرگی وضعیتینی خواطرلی بیلیب، دنیا جماعهچیلیگی و منطقهنینگ باشقه مملکتلریدن خوفسیزلیک و تینچلیک تأمینلنیشی اوچون افغانستان حکومتی گه یاردم بیریشلرینی سورهدی.
اوزبیکستان جمهور رییسینینگ ایتیشیچه، تینچ اهالی قربانلیگی آلدی آلینیشی اوچون آتش کیسین اعلان قیلینیشی کیرهک و هیچ قندهی کَمچیلیک یوز بیرمس دن تینچلیک لایحهسی آلغه آلیب باریلیشی درکار.
شوکت میرضیایوف، پاکستان، ایران، قطر و منطقه مملکتلرینینگ همکارلیگینی اونملی بیلیب ایتیشیچه، افغانستاننی حاضرگی وضعیتیگه باشقه بیر بورچکدن قرهش لازم و بو بورچک افغانستان برقرارلیگی، خوفسیزلیگی و شونینگدیک، منطقه برقرارلیگی و خوفسیزلیگی و نهایتده دنیا خوفسیزلیگینی تأمین قیلسین.
اوزبیکستان جمهور رییسی گه کوره، ترورچیلرگه قرشی غلبه قازانیش و اولرنی نابود قیلیش تِک یول افغانستان دولتیدن حمایت قیلیش دیر.
شونینگدیک، اوشبو ییغینده نطق سوزلهگن جمهور رییس غنی، تینچلیک چقیرووینی دولتگه قرشی قوراللی گروهلر اوچون استثنایی بیر فرصت بیلیب و اولردن تینچلیک لایحهسیگه قوشیلیشلرینی سورهدی.
جمهور رییس غنی گه کوره، ترورچیلیک ترماقلر چیگره و چغرافیه تانیمهیدی و بوتون منطقه و دنیانی تهدید قیلهدی و شو یوزهدن، دنیا مملکتلری اینیقسه منطقه مملکتلری تینچلیککه ایریشیش اوچون افغانستان گه یاردم بیریشی کیرهک.
افغانستان جمهور رییسینینگ کوپهیتیریشیچه، افغانستانده تینچلیککه قرشی ترورچیلیک ترماقلرنینگ فعالیتی گه قوشیمچه، چیگرهدن تشقری جنایی جرملر و مخدره ماده قاچاقی دیر.
تاشکینت تینچلیک ییغینی افغانستان اوروشی اوچون تینچلیکده ییچیم یول آختریش نیتیده بوگون ایرتهلب اوزبیکستانده باشلندی. اوشبو بیر کونلیک ییغینده افغانستان و اوزبیکستان جمهور رییسلری شامل باشقه 23 مملکتنینگ نمایندهلری اشتراک قیلگن.
