سیلاو ایرکین کمیسیونی اعضالریدن بیری مولانامحمد عبدالله نینگ ایتیشیچه، جمهور رئیس غنی نینگ اطرافیده بولگن قطار کیشی‌لر مذکور کمیسیون نینگ ایشلری گه اره‌لشیب و بو کمیسیون نینگ ایشی گه توسیق بوله‌دی. بیراق جناب عبدالله نینگ ایتیشیچه، جمهور رئیس نینگ اوزی کمیسیون ایشی گه اره‌لشمه‌یدی.
جناب عبدالله گه کوره، جمهور رئیس اطرافیده بولگن قطار کیشی‌لر، مذکور کمیسیون نینگ ایریم ایشلرینی ناقانونی بولگنده هم تیزلشتیره‌دیلر، بیراق قانونی بولگن ایریم ایشلرگه توسیق بوله‌دیلر. اونینگ ایتیشیچه، بو توغریده حجتی هم بار.
مولانامحمد عبدالله نینگ کوپه‌یتیریشیچه، سیلاو ایرکین کمیسیونی‌ده آدم‌لر جایلشتیریلیشی خصوصیده جمهورلیک سرایی‌دن اره‌لشوولر کورینه‌دی و اونینگ آگاه‌لنتیریشیچه، بو توغریده بولگن حجت‌لرینی برچه بیلن شریک قیلیشی ممکن.
شونینگدیک، اونینگ ایتیشیچه، ایش گه آلینیش سیناولرده مؤفق بولگن کیشی‌لر نیاز بولگن بست‌لرده جایلشتیریلمه‌یدی، بیراق تالان و فساد باعث، اداره‌لردن چیکلنتیریلگن کیشی‌لرنینگ ایش گه آلینیش حکمی جمهورلیک سرایی‌دن سیلاو ایرکین کمیسیونی گه یوباریله‌دی. اونگه کوره، بو ایش جمهورلیک سرایی و سیلاو کمیسیونی نینگ دبیرخانه‌سی آره‌سیده عمل گه آشیریله‌دی.
اوشبو موضوع توغریسیده جمهورلیک سرایی توشونچه‌سینی اورگه‌نیش اوچون علاقه قوردیک، بیراق مؤفق بولمه‌دیک.
مولانا عبدالله نینگ ایتیشیچه، جمهورلیک ریاستی سیلاوی نینگ نامزدلری سیلاو کمیسیونی‌ده نفوذ قیلیش اوچون سعی و حرکت قیله‌دیلر. شونده‌ی بیرحالده، سیلاو ایرکین کمیسیونی اوشبو اعضاسی نینگ ایتیشیچه، مذکور کمیسیون نینگ دایمی و قراردادی ایشلاوچی‌لریدن بیرقطاری فساد و ساخته‌کارلیک‌که عیب‌لنگن و بولر عدلی و قضایی اداره‌لریگه تانیشتیریلیشی کیره‌ک.
