بغلان ولایتی نینگ عیاللر ریاست رسمیلری منیژه ناملی 8 یاشر قیزنینگ زورلنگنلیگیدن خبر بیرگن. بو قیزباله نینگ آنهسی، کیاوی و کیاوینی ایناغهسی منیژهنی جنسی زورلهگنلر دیگن.
منیژهنینگ آنهسیگه کوره، کته قیزی تخار کیتگن ایکن. اونینگ آگاهلنتیریب ایتیشیچه، بوبارهده حکومت توجه سیزلیک بیلن یاندشگن صورتده «اویَتدن قیزینی اولدیریب و اوزینی هم یوقاتسه.»
قربان بولگن قیزنینگ آتهسی هم جنسی زورلهگن شخصلرگه قرشی عمل قیله آلمیدی: «اولرگه قورالی بار و زورمندلر، بیزنینگ اولربیلن مقابل بولیشگه کوچیمیز ییتمیدی.»
بغلان عیاللری ریاستی نینگ حقوق مدیری اورانوس عاطفی نینگ ایتشیچه، حادثه مرکزی بغلانده روی بیرگن. خانم عاطفیگه کوره، بوبارهده تدقیقات باشلنگن و اولر تیکشیروولر اوتکزیلگندن سونگ نتیجهنی معلوم قیله دیلر.
بو یاش قیزگینه نینگ آنهسی قضیهدن بونقه حکایت قیلهدی: «کته قیزیم اویدن یوقالدی و قضیهدن بیرکون اوتمسی کیاویم و ایناغهسی منیژهنی زوردن آلیب کیتدیلر… و اونی گروهی جنسی زورلهگنلر.
منیژهنینگ آنهسی نینگ ایتیشیچه، شو حاضر قیزی یمان روحی و روانی وضعیتده قالگن. اوشبو قیز خانه دانی حکومتدن قضیه عامللرینی دارگه اوریلیشینی طلب قیلگنلر.
