هرات ولایتی نینگ پشتونزرغون تومنی و فراه شهری اوستیگه طالبان گروهی تامانیدن اویوشتیریلگن هجوم نتیجهسیده نظمعامه حربیلریدن 10 تهسی و ملی پولیس کوچلریدن 8 تهسی هلاک ایتیلگن.
هرات ولایتیدن محلی بیر منبع نینگ سلاموطندارگه ایتیشیچه، اوتگن کیچه پشتونزرغون تومنی نینگ «مارآباد» منطقهسیده قیزیل قطعه جنگریلری شامل طالبان گروهی نظمعامه پوستهسی اوستیگه هجوم قیلگن.
منبع گه کوره، بو هجوم ده نظمعامه حربیلریدن 10 تهسی هلاک ایتیلگن و طالبان گروهی پوستهنی نظارت گه آلگن.
اوشبو منبع نینگ ایتیشیچه، طالبان فراه، بادغیس و هرات تومنلریدن جنگریلرینی پشتونزرغون گه توپلهگن.
شونینگدیک، پشتونزرغون تومنی نینگ اهالیسی بو هجومنی تصدیقلیدی، بیراق هرات خوفسیزلیک رسمیلری بو توغریده فکر بیلدیرمهیدی.
طالبان گروهی حاضرگچه بو خبر توغریسیده هیچ نرسه دیمهگن.
باشقه تاماندن، فراه ولایت کینگشی مسؤوللری، فراه شهریده بیر پوسته سقوط قیلیب و 8 پولیس هلاک ایتیلگنیدن خبر بیرگن.
فراه ولایت کینگشی اورین باسری شاهمحمود نعیمی نینگ سلاموطندارگه ایتیشیچه، بو واقعهده باشقه 2 پولیس یرهلنیب و 2 تهسی اسیر آلینگن.
فراه ولایت کینگشی اورنی باسری، مذکور ولایت نینگ اوستیگه طالبان گروهی نینگ هجوملری کوپهیگنی و امنیتی کوچلرگه یاردم ییتکیزیلمهگنیدن تنقید قیلهدی.
اوشبو خبرنی تصدیقلگن فراه پولیس قومندانلیگی سوزلاوچیسی محبالله محب نینگ ایتیشیچه، بو هجوم ده 4 پولیس هلاک و باشقه 2 تهسی یرهلنگن.
اونینگ کوپهیتیریشیچه، بو آتیشمهده 2 طالب هم هلاک ایتیلیب و باشقه 4 تهسی یرهلنگن.
طالبان گروهی پوستهنی نظارت گه آلگنلریدن بیر صورت ترقهتیب ایتیشیچه، بو هجوم ده امنیتی کوچلردن بیرقطاری هلاک ایتیلگن.
