افغانستان بوییچه بیرلشگن ملتلر تشکیلاتی نینگ بالهلردن حمایت قیلیووچی بولیمینی اعلان قیلیشیچه، اوتگن 18 ییل جریانیده افغانستانده دنیاگه کیلگن بالهلر اوروشنی تجربه قیلگن.
آمریکا و متحدلری، میلادی 2001- ییل اکتبر آی نینگ 7- تاریخیده طالبان گروهی نینگ افغانستاندهگی مرکزلری اوستیگه هجوم قیلگن ایدی. طالبان حکومتی 3 آی جریانیده سقوط قیلدی. بیراق اوشبو گروهگه قرشی اوروشلر حاضرگچه دوام قیلماقده.
بوگون "دوشنبه" اوشبو نهادنینگ اکتبر آی نینگ 7- تاریخی مناسبتی خصوصیده بیر اعلامیه آرقهلی ایتیشیچه، اورتلمه کونده 20 میلیون باله اوق آتیلیش و پارتلاوچی مادهلر پارتلهتیلیشیگه شاهد بولهدی.
اوشبو اعلامیهده بالهلردن حمایت قیلیووچی نهادنینگ افغانستان بوییچه باشلیغی اونووان دن نقل قیلینیب ایتیلیشیچه، 2019- ییل نینگ یالغیز آگست آیده کمیده 74 کیشی هلاک ایتیلگن و بو رقم خواطرلنترووچی دیر.
بالهلردن حمایت قیلیووچی نهاد نینگ افغانستان بوییچه باشلیغی نینگ کوپهیتیریشیچه، اوروشلر جریانیده اقاربلرینی قولدن بیرگن بالهلر روحی قیینچیلیک بیلن روپهره بولگنلر.
.png)
افغانستان بوییچه بالهلردن حمایت قیلیووچی نهاد اوروشلردن زیان کورگن بالهلر سانینی بوندهی شکلده ترقهتگن.
- 2015- و 2016- ییللر آرهسیده، 12500 دن آرتیق باله هلاک و یرهلنگنلر.
- 274 باله حربی فعالیت اوچون حربی قطارلرده استخدام ایتیلگن.
- 3.7 میلیون باله مکتبدن محروم قالگن و اولردن 60% نی قیزلر تشکیل بیرهدی.
- میلادی 2018- ییلده زورهوانلیکلر باعث، 700 مکتب باغلنگن.
- 3.8 میلیون بالهنی جدی بشری همکارلیککه نیازی بار .
- میلادی 2014- ییل و میلادی 2018- ییل آرهسیده، 8000 تینج اهالی پارتلش مادهلر و مقناطیسی ماینلرگه قربان بولگن و بوجملهدن 84% نی بالهلر تشکیل بیرهدی.
- جاری ییلده اوروشلر باعث، 280 مینگ کیشی اوی و جایلرینی ترک قیلگن و اولردن یرمینی بالهلر تشکیل بیرهدی.
افغانستان بوییچه بالهلردن حمایت قیلیووچی نهاد باشلیغی، اوروش طرفلریدن بالهلرنینگ قربان بولیشلریگه توسیق بولیشلرینی سورهگن. اونینگ ایتیشیچه، بالهلر اوستیگه بولگن اوروشنی توختهتیلیشی کیرهک.
