کابل‌ده اسلامی حزب نینگ نماینده‌سی، اوشبو حزب نینگ بیر قنچه اعضالری امنیت تامین بولیشی همده رهبرلری پایتخت کیلیشی عرفه‌سیده مرکزگه کیلگن بیر پیت‌ده برقرارلیکنی ایسته‌میدیگن بیر قنچه امنیتی کوچلر تامانیدن قولگه آلینگنلر دیگن.
سلام‌وطندارگه صحبت بیرگن اسلامی حزب نینگ نماینده‌سی امین کریم نینگ ایتیشیچه، مرکزگه چقریلگن اوشبو حزب نینگ کمیده 60 اعضاسی تینچلیک مذاکره‌سی نتیجه بیریشی نی ایستمه‌یدیگن بعضی تیوره‌کلر آرقه‌لی ایریم ولایتلر نینگ عمومی یولیده امنیتی کوچلر طرفیدن حبس‌گه آلینگنلر.
جناب کریم، اسلامی حزب نینگ بو اعضالری حبس‌گه آلینیشی اوشبو حزب نینگ رهبری کابل کیلیشی همده تینچلیک مذاکره‌سیگه هیچ قنده‌ی سلبی تاثیر قالدیرمه‌یدی دیگن.
اسلامی حزب نینگ 60 نفر اعضاسی ملی کوچلر تامانیدن قولگه آلینیشی باره‌سیده افغانستان ایچکی ایشلر وزیرلیگی فکرینی اورگه‌نیش اوچون آلیب بارگن سعی وحرکتیمیز نتیجه بیرمه‌دی.
حکومت بیلن اسلامی حزب اورته‌سیده قول قوییلگن شرطنامه عملی بولیشی اوچون قوریلگن کمیسیون نینگ باشلیغی اکرم خپلواک بو حقده فکر بیریش‌دن باش تارتدی.
