پروان محلی منبعلری نینگ ایتیشیچه، اوتگن "سهشنبه" کونی شام چاغیده بیر مسجد ده بولگن نماز اوقووچیلر داعش جنگریلری تامانیدن اوققه توتیلگن.
پروان پولیس قومندانلیگی نینگ خوفسیزلیک آمری عبدالواسع رحیمی نینگ سلاموطندارگه ایتیشیچه، مذکور واقعهده 8 کیشی هلاک و باشقه 7 کیشی یرهلنگن دیر.
پروان پولیس قومندانی محمدهارون مبارز نینگ ایتیشیچه، اوشبو واقعه پروان مرکزیگه تیگیشلی بولگن خلازهیی منطقهسیده یوز بیرگن و مذکور منطقه یشاوچیلری سابقلرده هم داعش جنگریلری نینگ حضوریگه گواه بولگنلر.
اونینگ ایتیشیچه، قولگه توشگن اسنادلرگه قرهگنده، مذکور هجوم داعش گروهی تامانیدن اویوشتیریلگن.
حاضرگهقدر هیچبیر گروه بو واقعه مسوولیتینی بوینیگه آلمهگن، بیراق طالبان گروهی نینگ ادعا قیلیشیچه، مذکور هجوم دولتی کوچلر تامانیدن صورت تاپگن. طالبان گروهیگه کوره، بو واقعهده نماز اوقووچیلردن 9 تهسی هلاک و باشقه 10 تهسی یرهلنگن دیر.
پروان حاکمی سوزلاوچیسی وحیده شهکار، طالبان ادعاسینی رد قیلهدی.
