ملی بیرلیک حکومتی تاسیس ایتیلگن‌دن سونگ مملکت یشاوچیلری اینیقسه پایتخت اهالی‌سی نا برقرارلیک، پارتلش، انتحاری هجوم، انسانیت‌گه قرشی جنایت گواهی بولگن‌لر.
بو حادثه‌لر تیکشیریلیشی اوچون جمهور رییس تامانیدن بیر نیچه بار مخصوص کمیسیونلر ایجاد ایتیلگن ایدی. لیکن، حقیقیت‌نی ایزلاوچی کمیسیون‌نینگ قیلگن ایشلری هنوزگچه هم معلوم ایمس.
نامی فاش ایتیلمس‌لیک شرطی بیلن سلام وطندارگه صحبت بیرگن جمهور رییس لیک سراییگه یقین بیر منبع نینگ ایتیشیچه، مملکت بویلب یوز بیرگن حادثه‌لر جدی شکل‌ده تیکشریلیشی اوچون جمهور رییس غنی هلی گچه 61 کمیسیون ایجاد قیلگن.
قندوز ولایتی قوراللی طالبلر قولی‌گه اوتیشی، فرخنده قتلی تیکشیریلشی، جلریز تومنی ده 20 دن آرتیق عکسرنینگ باشی کیسیلیشی، شاه شهیدده سابقه‌سی بولمه‌گن پارتلش، میدان وردک حربی مرکزینی بیتیرگنلرگه ضد یوز بیرگن انتحاری هجوم، نماینده‌لر مجلسی نینگ بیرینچی اروین باسری ظاهر قدیر اظهارات‌لرینی تکیشریش اوچون ایجاد ایتیلگن کمیسیون، کابل بانک بحرانی توغریسیده وجود گه کیلگن کمیسیون، خیالی مکتبلر تیکشریلیشی، هوشمند شهرچه‌سی تحقیق ایتیلیشی‌گه عاید کمیسیون و یاروغ لیک حرکتی‌نینگ اعتراضچیلری اورته‌سیده صادر ایتیلگن هجومنی تیکشریش باره‌سیده جمهور رییس غنی تامانیدن رسماً کمیسونلر ایجاد بولیب ایش‌گه باشله‌گن.
سونگی مورد ده افغانستان حکومتی پاکستان حربیلرگه تیگیشلی اوچاق میدان وردک ولایتی‌گه قونیشینی تیکشریشی اوچون ینه بیر کمیسیون ایجاد قیلگن ایدی. لیکن، قطار مدنی فعال‌لر، بو مساله‌لر یاروتیلیشی اوچون تشکیل بولگن کمیسیون ایریم دلیل‌لر باعث حادثه‌لرنی هر تامانلمه یاروتیب، حقیقت‌نی خلق بیلن شریک قیلیش‌گه موفق بولمه‌گن لر دیدیلر.
مدنی فعال هارون معترف‌نینگ سلام وطندارگه ایتیشیچه، ملی بیرلیک حکومتی تامانیدن حقیقت‌نی ایزلاوچی کمیسیون نینگ ایشلری هیچ بیز زمان موفقیت‌لی بولمه گن.
باشقه تاماندن مدنی فعال عمر احمد پروانی‌گه کوره، حقیقت‌نی تاپگن کمیسیون اعضالریگه حکومت تامانیدن اعتبار بیریلمه‌گن لیگی وحکومت‌گه تیگیشلی شخص‌لر کمیسیونلر اوچون اعضا بولیشی حکومت بیلن خلق اراه‌سیده فاصله یره‌تیش‌گه باعث بولگن. شونینگ‌دیک او، کمیسیون درست مدیریت بولمه‌گن لیگی باعث هلیگچه هیچ بیر کمیسیون دییرلی نتیجه بیرمه‌گن دیدی او.
اما، جمهور رییس سوزلاوچیسی‌نینگ اورین باسری شاه حسین مرتضوی‌نینگ سلام وطندارگه بیلدیریشیچه، مهم و اساسی حادثه‌لر تیکشیریلیشی اوچون هر تامانلمه دقت ایتیلیشی لازم. انه شو باعث واقعه‌لر دقت بیلن تیکشیریلیشی اوچون حکومت تجربه‌لی شخص‌لرنی کمیسیونگه آلیش اوچون سعی وحرکت قیله‌دی دیگن جناب مرتضوی.
عین حالده، حاضر گه قدر حادثه‌لرنی تیکشریش اوچون تشکیل بولگن کمیسیونلردن فقط قندوز ولایتی‌نینگ سقوطی‌گه سبب بولگن مساله تیکشیریلیب کابل‌ده خبری ییغین اوتکزیلیشی بیلن اهالی حضوریگه اخبارات واسطه‌لری آرقه‌لی اعلان بولگن ایدی. اما، باشقه کمیسیونلرنینگ ایشی هنوز گچه نیمه بولگن لیگی معلوم ایمس.
