افغانستان سرمایه یاتقزووچی‌لریدن حمایت قیلووچی اداره (آیسا) رسمی‌لری‌نینگ ایتیشیچه، سرمایه یاتقزیش خصوصیده، نیچه کونلیک سوزلشوولردن کیین، اوشبو بولیم‌گه توسیق معمالر بیلگی‌لنگن.
افغانستان سرمایه یاتقزووچی‌لریدن حمایت قیلووچی اداره باشلیغی قربان حقجو، (شنبه کون) کابل‌ده اوتکزیلگن خبری ییغینده سوزگه چیقیب، مملکت‌ده سرمایه یاتقزووچی‌لرگه قرشی اساسی معما توشینچه، استراتیژی، سرمایه یاتقزووچی‌لردن حمایت قیلیش خصوصیده دولتی لایحه یوقلیگی، دولت بیلن خصوصی بولیم ارا اویغونلیک بولمه‌گنی، گمرک‌لردیک دولتی اداره‌لرده مالی و اداری فساد موجودلیگی، خیابان، تیمیر یول و صنعتی پارک‌لردیک آست قوریلمه یوقلیگی، مالیاتی سیستم چیگل‌لیگی، سوداگرلیک جوازی تیزلیک‌ده صادر ایتیلمه‌گنی و اوزاق مدتلی قرضه‌لر قولگه کیریتیلمس‌لیگی دیب بیله‌دی.
شونینگ‌دیک، افغانستان سرمایه یاتقزووچی‌لریدن حمایت قیلووچی اداره باشلیغی‌نینگ ایتیشیچه، میلادی 2015- ییل، مملکت‌ده سرمایه یاتقزیش میزانی 590 میلیون دالر رویخطگه آلینگن ایکن، بیراق اوتگن ییل‌گه قره‌گنده، 30 فایز کمه‌یگن.
جناب حقجونینگ آگاه‌لنتیریشیچه، سرمایه یاتقزیش یخشی‌لنیشی خصوصیده، دولت تامانیدن دقت قیلمه‌گن صورتده، افغانستان اقتصادی و انسانی سرمایه قاچیشی‌گه گواه بولیب و اقتصادی معماگه دوچار بولیشی ممکن. او، افغانستانده سرمایه یاتقزیش میزانی کمه‌یگن دلیل‌لریدن بیری مملکت‌ده‌گی موجود اوروش دوامی و امنیتی قیین‌چیلیک‌لردیب بیله‌دی.
عین حالده، قربان حقجونینگ ایسلشیچه، اوشبو اداره کینگ لایحه‌لرنی قولگه آلگن و بولایحه‌لر عمل‌گه آشیریلیشی اوچون دولت یاردم بیرگن صورتده، نه فقط موجود قیین‌چیلیک‌لر کمَیَه‌دی، بلکیم ایچکی سرمایه یاتقزیش‌لرهم یوکسلیشی ممکن.
