افغانستان ملی کته ائتلافی‌نینگ سیلاو کمیته‌سی، بوگون «شنبه» مینگ‌لرچه آق کیم‌لیک، استیکر بسته‌لری، استیکر اوریلگن کیم‌لیک‌لر و آواز بیرووچیلرنینگ رویخط‌گه آلیش کتاب‌لرنی حجت صفتیده میدیالرنینگ اختیاریده قویگن و اونگه اساس ادعا قیلیشیچه، جمهورلیک ریاستی، سیلاولر ایرکین کمیسیونی و کیم‌لیک ترقه‌تیش اداره بو ساخته‌کارلیک‌نی ریجه‌لشتیرگن.
اوشبو ییغینده افغانستان ملی کته ائتلافی‌نینگ اعضاسی و نماینده‌لر کینگشی‌نی اورین باسری همایون همایون نینگ ایتیشیچه، جمهورلیک ریاستی، ولایتی کینگش و تومن‌لر کینگشی‌نینگ سیلاولری یولگه قوییلیشی خلق‌نینگ حیاتی نیازی دیر، حکومت و کمیسیون ریجه‌لگن کینگ ساخته‌کارلیک اساسیده، «خیالی و اولیک کیشی‌لرگه هم استیکر اورگن‌لر» اولر بو سیلاونی تنیق‌لیگی‌گه ایشانمه‌یدی.
جناب همایون گه کوره، افغانستان ملی کته ائتلافی باشقه سیاسی حزب‌لر و جریان‌لرنینگ همکارلیگی‌ده ناراضیلیک و مدنی نافرمانلیک حرکت‌لرنی یولگه قوییب ملی بیرلیک حکومتنینگ ناتوغری سعی و حرکت‌لریگه قرشی توره‌دی.
افغانستان ملی کته ائتلاف اعضاسی گه کوره، حکومت حزب‌لرنینگ ایستک‌لرینی تَن آلمه‌ی و سیلاولر بایومتریک سیز یولگه قوییلیشی اوستیگه تأکید قیلگن صورتده، اولر باشقه گزینه‌لردن فایده‌لنه‌دیلر.
شونینگدیک، افغانستان ملی کته ائتلاف‌نینگ رهبرلیک اعضالریدن احمدضیا مسعودنینگ ایتیشیچه، هیچ بیر کیشی و تشکیلات گه «استبدادی حکومت» قوریش گه رخصت بیریلمه‌یدی.
عین حالده، افغانستان ملی کته ائتلافی، بیر اعلامیه اوقیب ظرفیت‌گه ایگه، ایرکین و طرف سیز بیر کمیسیون ایجاد ایتیلیب سیلاو سیستمه‌سی اوزگریلیشی، آواز بیرووچیلر بایومتریک اساسیده رویخط گه آلینیشی، سیلاولرنینگ برچه جریانی و شونینگدیک، سیاسی قدرت تینچلیک بیلن اوتکزیلیش لایحه‌سیدن سیاسی ائتلاف‌لر و حزب‌لر نظارت قیلیشی توغریسیده زمینه یره‌تیلیشی‌نی سوره‌گن.
