.jpg)
بوگون «سهشنبه» روسیه باشکینتی مسکو طالبان گروهی نینگ نمایندهلری و افغانستان سیاسی سیمالری آرهسیده یولگه قوییلگن سوزلشوولرنی ایکینچی دوری گه میزبانلیک قیلدی. اوشبو ییغینده افغانستان سیاسی سیمالری، طالبان گروهی نمایندهلری گه اوچ تکلیف قیلدی.
اوشبو ییغینده افغانستان اسلامی جمعیت حزبی اجراییه باشلیغی عطامحمد نور، طالبان گروهی دن تیزلیککه دوحه سونگی ییغینی اوچون تیار بولیب و افغانستان حکومتی بیلن ایرکین شکلده سوزلشوو اوتکزیشلرینی طلب قیلگن.
جناب نورنینگ ایتیشیچه، حاضرگی ییغین آتیشکیسین قراری بیلن یکونلنیشی گه امید بیلدیرهدی.
شونینگدیک، افغانستان سیاسی سیمالریدن باشقه بیرقطاری، جملهدن محمدحنیف اتمر، کریم خلیلی، حامد کرزی و محمد محقق عطامحمد نورنینگ تکلیفلریدن حمایت قیلگنلر.
مذکور ییغینده تینچلیک عالی کینگشی باشلیغی کریم خلیلی نینگ ایتیشیچه، افغانستان تینچلیگی یالغیز اوشبو میز آرقهسیده بولگن موضوع ایمس دیر. جناب خلیلی نینگ اورغولشیچه، افغانستان اهالیسی اوروش یکونلنیشینی ایستهیدی. اونگه کوره، افغانستان تینچلیگی عدالتلی استراتیژی بیلن بولگن صورتده تأمینلنهدی.
شونینگدیک، اوشبو ییغینده ملی خوفسیزلیک کینگشی نی سابق مصلحتچیسی و تینچلیک و برابرلیک سیلاوی تیرمه جماعهسینی رهبری محمدحنیف اتمرنینگ ایتیشیچه، تینچلیککه قرشی توسیقلر یالغیز سوزلشوولر ارا کوتریلهدی.
.jpg)
جناب اتمرنینگ کوپهیتیریشیچه، افغانستان اهالیسی مملکتلری دایمی تینچلیککه ایریشی و مسلمانلرنینگ قانی توکیلیشی گه نقطه قوییلیشی نی ایستهیدیلر.
طالبان گروهی گه خطاب تینچلیک و برابرلیک سیلاو تیرمه جماعهسیده محمدحنیف اتمرنینگ ایکینچی اورین باسری محمد محقق نینگ ایتیشیچه، بیر-بیراولری نینگ تیلی نی بیلیش کیرهک.
اوشبو ییغینده طالبان گروهی نینگ نمایندهلیگیدن ملاعبدالغنی برادر رهبرلیگی ده 14 کیشیلیک بیر هیأت اشتراک قیلگن.
مسکو تینچلیک ییغینی بیرینچی دوری اوتگن قویاش ییل اوتکزیلگن ایدی، بیراق اوتگن ییل اوتکزیلگن ییغینده افغانستان حکومتی اشتراک قیلمهی و اونی نتیجهسیز دیگن ایدی.
شو توغریده…
فیروزکوه شهریده طالبان هجومی نتیجهسیده، 16 تینچ اهالی و 5 پولیس هلاک ایتیلگن
