بوگون «پنجشنبه» جمهورئیس غنینینگ اشتراکیده برقی کیملیک ترقهتیش جریانی رسماً باشلندی.
شونینگدیک، قطار یوقاری مرتبهلی رسمیلر و ایریم جهادی رهبرلر بو جریاننینگ آچیلیش مراسمیده اشتراک ایتگن ایدی. جریان بیرینچی کیملیک جمهوررئیس گه ترقهتیلیشی بیلن باشلهنیشی خبرقیلیندی. افغانستان جمهور رویسی محمد اشرف غنی، بو مناسبت بیلن اویوشتیریلگن ییغینده سوزگه چیقیب برقی کیملیک ترقه تیش یانیده قاغذی کیملیک ترقهتیش جریانی هم دوام ایتیشینی تاکیلهدی. غنی جنابلری شونینگدیک برقی کیملیک ترقهتیلیشی ایشانچلی معلومات گه قول تاپیش، ساخته کیملیک ترقهتیلیشی آلدینی آلیش اوچون مهم بولگنینی تاکیدلهدی. عین حالده او، مملکت ترقیاتی، ملی بودجهنی تینگ و یخشی صرف ایتیش اوچون هم برقی کیملیک ایجابی توشیشینی اورغولهدی؛ همده غنی جنابلری سیلاو موضوعی گه توختهلیب اهالینی بو جریانگه اشتراک ایتیشگه چقیردی.
ینگی کیملیکده ملیت، قوم و دین قوشیمچه قیلینیب ملیت مقابلیده " افغان" یازیلهدی و قوم مقابلیده تاجیک، پشتون، اوزبیک و باشقه قوملرنینگ آتلری یازیلهدی. عین حالده، ایریم افغان یشاوچیلری ملیت مقابلیده "افغان" یازیلیشیگه قرشیلیک بیلدیرگن.
