کینگش اعضالریدن کوپیسی سابق جمهور رییس حامد کرزی و اونینگ تیمی افغانستان ثبات سیزلیگی و حاضرگی حکومتنی کوچسیزلنتیریشگه عیبله دیلر.
اولرگه کوره، جناب کرزی حکومتنی ضعیف قیلیش اوچون تلاش قیلیب بارماقده.
کینگش اعضالریدن بیری ذکریانینگ ایتیشیچه، سابق جمهور رییس حامد کرزی وقتیده موازی حکومت ایجاد ایتیلگن ایدی وجناب کرزی افغانستاننی ینگی معمالر بیلن روپهره قیلیش قصدیده.
اونگه کوره، حامد کرزی حاضرگی موجود تینچلیکنی اورتهدن ایلتیشگه سبب بولهدی.
بوکینگش اعضاسیگه کوره، باید جناب کرزی ملی منفعتلرنی کوزگه توتیب حاضرگی حکومتگه یاردم بیرسین تا اولکه دهگی موجود معمالر حل ایتیلیشیگه کومک بولسه.
ولسی جرگه بیرینچی اورین باسری ظاهر قدیر هم سابق حکومت مسؤوللریدن ملی بیرلیک حکومتینی تخریب قیلیشدن قول کوتریشلرینی ایسهدی.
جناب قدیر مذکور قرمه قرشیلیکلر اوتمیش یمان کونلرنی تکرار بولیشیگه شاهد بولیشیمیز ممکن دیب هشدار بیرهدی.
حاضرگه قدر بوتوغریده سابق جمهور رییس بیرنرسه دیمهگن.
بو انتقادلر شوپیتده بولهدی که شو سونگی نیچه کون مابینیده سابق جمهور رییس حامد کرزی امیریکه آوازی آشنا تیلویزیونی بیلن اوتکزگن ترماغیده، ملی بیرلیک حکومتینینگ پاکستانگه نسبتن سیاستی اوچون قرشیلیک کورسه تیب تنقید قیلگن ایدی.
جناب کرزی افغانستان ملی امنیت ریاستی بیلن پاکستان نظامی استخباراتی ادارهسی ارا استخباراتی کیلیشیک اولکه نفعگه ایمس و مذکور ایشنی اویاتلی دیگن.
هرحالده، بونقه کیلیشیکلر جناب کرزی حکومتی بیلن پاکستان دولتی ارا هم امضا ایتیلگنلیگی باره سیده گزارشلرترقهتیلگن ایدی، اما سابق جمهور رییس اوز حکومتی دوره سیده پاکستان بیلن بونقه حجتلرگه قول قویلگنلیگینی رد قیلهدی.
