خبرچیلر مصونیت دادخواه‌لیک گروهی‌نینگ ایتیشیچه، ملی بیرلیک حکومتی‌نینگ رهبرلری خبرچیلر جانی و مالی خوف‌سیزلیگی تامین ایتیلیشی اوچون بیرگن وعده‌گه عمل قیلمه‌گن.
عاموی اخبارات واسطه‌لری و خبرچیلر حقوقی‌نی مدافعه قیلووچی اداره‌لر اوتگن ییل جمهور رییس‌لیک سیلاولرده ایلغار نامزد اشرف‌غنی و عبدالله عبدالله دن خبرچی‌لرنی حمایت قیلیش وعده‌سینی آلگن‌لر. جناب عبدالله و غنی 12 ماده‌دن عبارت مذکور تعهدنامه‌گه قول قویگن.
اما، خبرچیلر مصونیت دادخواه‌لیک گروهی مذکور تعهدنامه تیکشیریلگن‌دن سونگ بیر خبر ییغین اوتکزیب، ملی بیرلیک حکومتی تشکیل ایتیلگن‌دن بیری عاموی اخبارات واسطه‌لر ساحه‌سی‌ده فقط معلومات‌لرگه قول تاپیش قانونینی تصدیق‌لنگن لیگینی ایتگن‌لر.
ژورنالیست‌لر اویوشمه‌سی رییسی و همده خبرچیلر دادخواه‌لیک گروهی‌نینگ اعضاسی فهیم دشتی‌نینگ ایتیشیچه، ملی بیرلیک حکومتی‌نینگ بیرگن وعده‌لریدن بیری خبرچی‌لرگه قرشی زوروانلیکنی توسیش دیر اما حاضرگی کون‌ده خبرچی‌لرگه قرشی زوروان‌لیک میزانی آشگن.
اونینگ ایتیشیچه، خبرچی‌لرگه ضد عمل‌گه آشیریلگن زوروان‌لیک‌لر دوسیه‌سی هنوز تیکشیریلمه‌گن.
سوز ایرکین‌لیگی تامین ایتیلیشی، قربان بولگن خبرچیلر دوسیه‌سی تیکشیریلیشی، معلومات‌لرگه قول تاپیش قانونی تصدیقله‌نیشی، بو قلتم بیلن قنده‌ی یانده‌شیش اوچون امنیتی کوچ‌لر اورگه‌نیش کوریش، خبرچیلر جانی خوف‌سیزلیگی، خبرچی‌لرگه قرشی یوز بیره دیگن مساله اوچون بی فرق قالمس‌لیک، خبرچیلر ایش خوف‌سیزلیگی اوچون ینگی قانون توزیش و خبرچیلر حمایت ایتیلیشی اوچون ملی صندوق ایجاد ایتیلیشی مذکور تعهدنامه نینگ مهم عنصرلریدن سنله‌دی.
عین حالده، جمهور رییس‌لیک سرایی سوزلاووچی‌سی‌نینگ اورین باسری جاوید فیصل‌گه کوره، ایکی رهبر قول قویگن تعهدنامه‌نی عمل‌گه آشیریش اوچون کوپراق وقت احتیاج بار.
اونینگ سوزلری‌گه کوره، ایکی رهبر هم بیرگن وعده‌سی‌گه عمل قیله‌دی و ایریم وعده‌لرگه هم عمل قیلگن‌لر. جناب فیصل، باشقه بیریلگن تعهدلرنی هم عملی قیلیش اوچون ایش جریانی بار دیگن.
عین حالده، عاموی اخبارات واسطه‌لری‌نینگ ایریم ایشلاووچی‌لری سلام‌وطندار بیلن صحبت قیلیب حکومت‌نینگ خبرچی‌لرگه نسبتن بولگن سعی وحرکتی‌دن ناراضی‌لیک بیلدیرگن‌لر. اولرگه کوره، حکومت خبرچیلر اوچون هیچ بیر ایش قیلمه‌گن هنوز هم مذکور قتلم کلتک له‌نیب ایریم وقت‌ده لرده قماققه آلینه دیلر.
اولر، حکومت معلومات‌لرگه قول تاپیش اوچون هم اونچه‌لیک ایش قیلمه‌گن اوتگن وقت‌لرگه قره‌گن‌ده حاضر بو ساحه‌ده چیکلاولر کوپیگن.
اخبارات ومدنیت وزیرلیگی‌نینگ نشرات اورین باسری سیده مژگان مصطفی بوگون بیر ییغین‌ده خبرچی‌لرگه قرشی زوروانلیکنی توسیش کمیسیون ایجاد ایتیلگن‌لیگی‌دن خبر بیرگن.
شونینگ‌دیک او، خبرچیی‌لر ایش خوف‌سیزلیگی تصدیق‌له‌نیش اوچون ینگی قانون وزیرلر کینگشی‌گه یوباریلگنی‌دن هم خبر بیرگن. اونگه کوره، مذکور مقرره اوتگن هفته تصدیق لنگن و اونینگ اساسی مساله‌لریدن بیری خبرچیلر ایش خوف‌سیزلیگی تامین ایتیلیش دیر.
مصطفوی، خبرچیلر قیین‌چیلیک‌نی سیزیب توشونه‌میزدییه معلوم قیلگن.
(نی) یا افغانستان ایرکین عاموی اخبارات واسطه‌لرینی حمایت قیلیووچی اداره ملی بیرلیک حکومت تشکیل ایتیلگن‌دن بیری خبرچی‌لرگه قرشی یوز بیرگن 105 مورد رویخط‌گه آلینیب شونینگ‌دیک بیش خبرچی هلاک بولگن لیگینی معلوم قیلگن.
بونگه قره‌می خبرچیلر خوف‌سیزلیگی‌نی تامین‌لش گروه اعضالری‌نینگ تاکیدلشلریچه، حکومت خبرچی‌لرگه بیرگن وعده‌سی‌گه عمل قیلمه‌گن حالده، بولر مذکور موضوع‌نی تاقیب قیله دیلر.
