.jpg)
د بامیانو په سلګونه اوسېدونکي او د روښنايي غورځنګ غړي نن سړکونو ته راووتل او غوښتنه یې وکړه چې د ترکمنستان د ۵۰۰ کیلو ولټه برېښنا مزی دې د بامیان ـ میدانوردګ له لارې تېر شي.
د ۵۰۰کیلو ولټه برېښنا د انتقال موضوع له څوو کالونو راهیسې جنجالي ده.
اعتراضکوونکي حکومت په تبعیض تورنوي او وايي، د بامیان ـ میدانوردګ له لارې د تېرېدونکې برېښنا طرحه ارزانه تمامېږي.
یو معترض محمدسجاد محسني وايي، «موږ په ټولو ابعادو کې یو ډول تامین او عدالت غواړو.»
حکومت د روښنايي غورځنګ د اعتراضونو نه وروسته د سالنګ له لارې د ترکمنستان د ۵۰۰کیلو ولټه برېښنا لېږد په بدل کې له دوشې ـ بامیان له لارې د ۲۲۰ کیلو ولټه برېښنا د انتقال طرحه تر لاس لاندې ونیوله؛ خو د بامیانو اعتراضکوونکي غواړي چې د ترکمنستان ۵۰۰کیلو ولټه برېښنا له دې ولایته تېره شي.
.jpg)
د ولسي جرګې او روښنايي غورځنګ غړی احمدبهزاد وايي، «موږ یوازې د کورونو رڼايي نه غواړو؛ موږ غواړو چې د برېښنا د دې مزي له لېږد سره د مرکزي سیمو خلکو ته د کار زمینه برابره شي او د اوسپنې او ډبرو سکرو کانونه وکیندل شي.»
خو د ولسمشر مرستیال ویاند شاهحشین مرتضوي سلاموطندار ته وویل، حکومت په وروستیو څلورو کلونو کې خپل پام د مرکزي سیمو لویو لارو او د بامیانو برېښنا د تامین لهپاره متمرکز کړی او ډېر ژر به پهدې ولایت کې د برېښنا د څوو سبسټېشنونو د جوړېدا چارې پيل شي.
اعتراضکوونکیو نن په یو خپور کړي پرېکړهلیک کې ویلي، که غوښتنې یې ونه منل شي؛ اعتراضونو ته به دوام ورکړي.
۵۰۰ کیلو ولټه برېښنا د منځنۍ اسیا د برېښنا له هغو دوو خطونو څخه دی چې د اسیايي مرکزي بانک په مالي ملاتړ جوړېږي. د بامیانو د استازیو په وینا، د برېښنا دویم خط د «کاسا ـ ۱۰۰۰» په نامه د پنجشېر او پروان له لارې کابل ته لېږدول کېږي.
