د تخار یو شمېر معترضو نوماندانو او د هغوی پلویانو نن د یوه لاریون ترڅنګ، په دغه ولایت کې د ټاکنیزو کمېسیونو دروازې وتړلې.
د معترضانو په وینا، د دغه ولایت په ټاکنو کې پراخې درغلۍ شوي او کمېسیونونه دې ټولې کارول شوې رایې بیا وشمېري.
په همدې حال کې معترضو نوماندانو سیدجلیل سیدزاده او خیرمحمد تېمور چې د ټاکنو په لومړني نوملړ کې ناکام دي وايي، که غوښتنه یې و نه منل شي او حق حقدار ته و نه رسېږي، خپلو اعتراضونو ته به دوام ورکړي.
معترض نوماندان ګواښ کوي، که په تخار کې کارول شوې رایې په بشپړه توګه بیا و نه شمېرل شي او دوی ته خپل حق و نه رسېږي، د والي د دفتر په ګډون به پهدې ولایت کې د نورو دولتي ادارو دروازې هم وتړي.
بلهخوا د ټاکنیزو کمېسیونو هېڅ چارواکی پهدې اړه خبرو کولو ته حاضر نهشو.
