مسکو تینچلیک ییغینی قنده‌ی بیر شکلده یولگه قوییلیشی مسکو و کابل آره‌سیده جنجل‌لی بحث‌لردن بیری گه اوزگرگن. مسکو تینچلیک ییغینی افغانستان حکومتی، طالبان گروهی و باشقه افغانستان قضیه‌لریگه داخل قطار مملکت‌لرنینگ نماینده‌لرینی اشتراکیده جاری میلادی ییل‌نی سپتمبر آیی‌ده یولگه قوییلیشی خصوصیده قرار قیلینگن ایدی.
بیراق، بو ییغین افغانستان حکومتی‌نینگ ایسته‌گی توخته‌تیلدی. افغانستان حکومتی ایسه بو ییغین افغانستانلیک‌لر آرقه‌لی رهبرلیک قیلینیشی‌نی طلب قیلدی؛ بیراق روسیه‌نینگ جوابی اساسیده، افغانستان حکومتی‌نینگ ایسته‌گی قبول قیلینگن صورتده، طالب‌لر بو ییغینده اشتراک قیلمه‌سی ممکن.
افغانستان حکومتی ایسه ایسته‌گی عمل‌گه آشیریلیشی اوچون تشقی ایشلر وزیرلیگی‌نی اداری اورین باسری نصیراحمد اندیشه رهبرلیگی گه بیر هیأت‌نی مسکو یوباردی؛ بیراق وزیرلیک ایچیدن بیر منبع نی سلام‌وطندارگه ایتیشیچه، بو سعی و حرکت‌لر نتیجه‌سیز قالگن.
غرب دن بولگن ایشانچ‌لی میدیالر جمله‌دن نیویارک تایمز، اسوشیتدپرس و رویترزنی گزارش بیریشیچه، مسکو تینچلیک ییغینی‌نی یولگه قوییلیش تأریخی «جمعه» کون، 9- نوامبر تعیین ایتیلگن.
افغانستان تینچلیک عالی کینگشی‌دن آتی فاش ایتیلیشی‌نی ایستمه‌گن بیر منبع نینگ سلام‌وطندارگه ایتیشیچه، مسکو ییغینیده تینچلیک عالی کینگشی‌دن بیر هیأت اشتراک قیلیشی ممکن. مذکور منبع هیأت تشکیلی و بو ییغین یولگه قوییلیش تأریخی توغریسیده معلومات بیرمه‌گن.
بیراق، سلام‌وطندارگه صحبت بیرگن تشقی ایشلر وزیرلیگی سوزلاوچیسی صبغت‌الله احمدی‌نینگ ایتیشیچه، مسکو تینچلیک ییغینیده قنده‌ی بیر شکلده یولگه قوییلیشی و دایر ایتیله‌دیگن زمانی حاضرگچه افغانستان دولتی اوچون بحث‌لی دیر. او، احتمال باریچه مسکو ییغینیده افغانستان تینچلیک عالی کینگشی حضوری‌نی تَن آله‌دی.
کورینیشیچه، افغانستان تشقی ایشلر وزیرلیگی، مسکو تینچلیک ییغینیده اشتراک قیلیش‌دن باش تارته‌دی. بوندن آلدین رویترز خبرنامه‌سینی گزارش بیریشیچه، روسیه حکومتی مسکو تینچلیک ییغینی‌نی افغانستان حکومتی‌دن رخصت سوره‌مه‌ی اوتکزیش‌گه قرار قیلگن.
رویترز گزارشی اساسیده، اوتگن ایکی آیده روسیه‌لیک دیپلومات‌لر سِرلی شکلده افغانستان‌نینگ ییریک سیاستچی‌لریدن بیرقطاری گه چقیروونامه یوبارگن و 8 سیاستچی‌نینگ آره‌سیدن 6 ته‌سی چقیروونامه قولگه کیریتگن‌لرینی تصدیق‌لگن‌لر و بو آره‌ده افغانستان‌نینگ سابق جمهور رئیسی حامد کرزی و شونینگدیک، اسلامی جمعیت حزبی‌نی اجرائیه باشلیغی عطامحمد نور شامل دیر. اوشبو گزارش‌ده کیلیشیچه، بو چقیروو افغانستان حکومتی‌نینگ رسمی‌لرینی عکس‌العمل‌لریگه سبب بولگن.
جمهورلیک ریاستی بو موضوع توغریسیده صحبت بیریش گه حاضر بولمه‌گن.
روسیه تشقی ایشلر وزیرلیگی‌نی ایتیشیچه، بو ییغینده امریکا قوشمه ایالت‌لری، هند، قزاقستان، ایران، پاکستان، قرغیزستان، ترکمنستان و اوزبیکستان چقیریلگن.
رویترز گزارشی اساسیده، بو ییغینده امریکا قوشمه ایالت‌لری اشتراک قیلمه‌یدی.
عین حالده، سلام‌وطندارگه صحبت بیرگن سیاسی ایش بیلرمان و طالبان گروهی‌نینگ سابق رسمی‌لریدن بیری وحید مژده نینگ ایتیشیچه، امریکا قوشمه ایالت‌لری‌نینگ اداره‌سیدن بولگن افغانستان حکومتی مذکور ییغینده اشتراک قیلیش خصوصیده، اونچه‌لیک علاقه کورستمه‌گن؛ شو یوزه‌دن روسیه‌لیک‌لر افغانستان‌نینگ ییریک سیاستچی‌لریدن بیرقطاری‌نی بدیل صفتی گه چقیرگن‌لر.
قوراللی طالب‌لر مسکو ییغینده اشتراک قیلیش‌لری یا-ده اشتراک قیلمس‌لری توغریسیده رسمی شکلده بیر نرسه دیمه‌گن؛ بیراق جناب مژده نینگ ایشانچی گه کوره، مسکو ییغینیده طالب‌لر اشتراک قیله‌دی.
شونینگدیک، امریکا قوشمه ایالت‌لری مسکو ییغینیده اشتراک قیلیشی یا-ده قیلمه‌سی توغریسیده حاضرگچه رسمی شکلده فکر بیلدیرمه‌گن.
مسکو تینچلیک سوزلشوولریگه علاوه امریکا قوشمه ایالت‌لری طالبان گروهی بیلن ایرکین شکلده مذاکره قیلیشی توغریسیده سعی و حرکت قیله‌دی.
