سیلاولر آلدی ترغیبات کمپاینی نینگ اینگ قیزیق کونلریده زلمی رسول نینگ اورین باسری احمدضیاء مسعود خبری بیر ییغین اوتکزیب محمد اشرف غنی سیلاو تکتیدن حمایتینی اعلان قیلدی. بو قوشیلیش جدی عکسالعمللردن یراق قالمهدی. دستلب احمدضیاءگه یقین شخصلر اونینگ بو قوشیلیشیدن غضبلگنلر سانی هم آز بولمهدی. اما، ملی بیرلیک حکومتی نینگ عمریدن ایکّی یریم ییل اوتگندن کیین یامان کونلرگه دادیگه ییتگن متحدینی جمهور رییس غنی 29 سوزلیک فرمانی بیلن ایشدن آلدی.
ساحه نینگ متخصصلری، جمهور رییس نیچه کونلیک منفعتلر اوچون ائتلافلر تشکیل قیلیشگه قول اوردی و زمان اوتیشی بیلن متفیقلرینی چیکهگه چیقارهدی باشلهدی دیدیلر. اولرنینگ تعبیریچه، جمهور رییس غنی نینگ سیلاولر آلدی ترغیبات کمپاین جریانیده سیاسی سیمالر بیلن کیلیشیشی مجبوریت یوزهسیدن قیسقه مدتلی منفعتلر اوچون بولگن و شرطنامهنینگ حقوقی اساسی یوق.
سیاسی تحلیلچی نصیر احمد ترهکی، سیلاولر آلدی ترغیبات کمپاین جریانیده اشرفغنی احمدزی بیلن قوشیلگن سیمالر سیاسی مجبوریت اساسیده همده قیسقه مدت اوچون سیلاولر تکیتلرینی تشکیل ایتیش مقصدیده اورگه کیلگن دیدیلر.
جناب ترهکی، اوشبو سیاسی شرطنامهلر اصلیده اخلاقی بیر تعهد دیر و بو تعهدلرنی آیاق آستی قیلیش سیاسی سیمالر اورتهسیده کوپراق ایشانچ سیزلیککه باعث بولهدی دیگن.
باشقه بیر تحلیلچی احمدسعیدی، افغانستانلیک سیاستچلرنینگ قیلمیشی اوازق مدتلی ایمس، بل فصلی و تاکتیکی دیگن. اونینگ سوزلریگه کوره، جمهور رییس غنی سیاسی شریکلری اوستیدن منفعتی تامین بولگونچه بولر بیلن بار، منفعتی تامین بولمهگن حالده شریکلرینی چیکهگه چیقارهدی.
محمدامین فرهنگ، سیاسی سیمالرنی جمهور رییس تامانیدن ایشدن آلینیشی اونینگ اجتماعی نفوذینی کمهیترهدی دییه تاکید قیلگن.
«غنیگه قوشیلگن باشقه سیاسی سیمالرهم احمدضیاء مسعودنینگ تقدیریگه روپه ره بولیشی امکاندن اوزاق» ایمس دیدی جناب فرهنگ.
مذکور سیاسی تحلیلچیلرنینگ فکریگه کوره، جمهور رییس نینگ ذهنی شخصیت پرستلیک وتکروی دیر. شونینگ اوچون کیلهجکده عطامحمد نور و امرالله صالح هم احمدضیاء مسعودنینگ تقدیریگه دوچار بولیشی نا ممکن ایمس.
سیاسی شریکلریگه بیرگن وعدهلر توغریسیده جمهور رییس نینگ کوز یومیب اوتیشی سلبی تاثیر قالدیریب حتی سیاسیت و امنیت ساحهسیده هم زیان ییتکزیشی ممکن دیدی ساحه نینگ تحلیلچیلری.
