جمهورلیک ریاستی نامزدلر کینگشی اعضالری نینگ کابلده خبری بیر ییغین اوتکزیب ایتیشیچه، سیلاو ایرکین کمیسیونی‌گه تیگیشلی بولگن مسوولیت‌لر سیلاو شکایت‌لرینی تینگلش کمیسیونی‌گه تشلش خلق تقدیری بیلن اوینه‌ش دیر و بو ایش سیلاو قیین‌چیلیگی‌نی حل قیلمه‌یدی.
اوشبو کینگش اعضالری، سیلاو دستلبکی نتیجه‌سینی قبول قیلمه‌یش‌لرینی بیلدیریب و بو ایش قیینچیلیکلرنی کوپه‌یتیره‌دی دیگنلر.
عین‌حالده، سیلاو شکایت‌لرینی تینگلش کمیسیونی اعضاسی و سوزلاوچیسی قاسم الیاسی نینگ ایتیشیچه، حاضرگه‌قدر برقرارلیک و یقینلیک سیلاو تیمی تامانیدن 4500 شکایت بو کمیسیونده ثبت ایتیلگن و بو رقم نینگ کوپه‌یشی ممکن.
بیراق، برقرارلیک و یقینلیک سیلاو تیمی نینگ سوزلاوچیسی فریدون خوزون نینگ فیسبوک صحیفه‌سیده یازیشیچه، اوشبو تیم حاضرگه‌قدر 6 مینگ شکایت‌نی سیلاو شکایت‌لرینی تینگلش کمیسیونی‌گه ثبت قیلگن.
جمهور رئیس غنی نینگ فرهنگی مصلحتچی‌سی شاه‌حسین مرتضوی نینگ فیسبوک صحیفه‌سیده یازیشیچه، دولت قوروچی سیلاو تیمی حاضرگه‌قدر 1200 شکایت‌نی مستند قیلگن و بو رقم کوپه‌یماقده دیر.
مرتضوی نینگ ادعا قیلیشیچه، بایومتریک‌لی بیکار قیلینگن 26 مینگ آواز جمله‌سیدن 20 مینگ ته‌سی دولت قوروچی سیلاو تیمی‌گه تیگیشلی دیر.
