بوگون «چهارشنبه» کابلده خبری بیر ییغین اوتکزگن افغانستان بوییچه شفاف سیلاو بنیادی یا-ده تیفا، جمهورلیک ریاست سیلاوی نینگ جریانیدن قولگه کیریتگن معلوماتینی نشر قیلدی.
تیفانینگ معلوماتی اساسیده، سیلاو کمیسیونیده آوازلرگه اعتبار بیریش اوچون خاص بیر میکانیزم یوق دیر.
تیفانینگ خبرنامهسیده کیلیشیچه، سیلاو ایرکین کمیسیونیده حساب بیریش اوچون میکانیزم یوقلیگی باعث، سیلاو تیملریدن بیرقطاری، آوازلرنینگ قیته سنهش جریانینی تحریم قیلیشگن و سیلاو کمیسیونی هم سیلاو قانونی اساسیده، سیلاو تیملرینی قانیقتیره آلمهگن.
تیفانینگ خبرنامهسیده کوپهیتیریلیشیچه، 6- میزان سیلاویدن ایکی آی اوتماقده و سیلاو ایرکین کمیسیونی ایریم قرارلری و فعالیتلرینی قانونلر، طرزالعمللر و سیلاو لایحهلریگه قرشی عملگه آشیرگن.
افغانستان بوییچه شفاف سیلاو بنیادی، سیلاو کمیسیونی نینگ فعالیتلریده قطار ادارهلر، مملکتلر نفوذ قیلگنی و سیلاو تیملری نینگ سیاسی باسیملریدن خواطر بیلدیرگن.
شو توغریده:
سیلاو کمیسیونی دستلبکی نتیجه اعلان ایتیلیش قرارینی ایرته نهایی قیلهدی
آلمان سیلاو نتیجهسی تیزلیککه اعلان قیلینیشینی سورهدی
بغلان-کابل قتناو یولی یقینلیک و برقرارلیک سیلاو تیمی طرفدارلری تامانیدن باغلندی
تیفا، حاضرگی قیینچلیکلر حل ایتیلیشی و سیلاو تقدیری بیللی بولیشی اوچون سیلاو تامانلری نینگ حضوری بیلن بیرلشگن ملتلر تشکیلاتی آرقلی فنی و حقوقی بیر ییغین یولگه قوییلیشی نی سورهگن.
سیلاولر ایرکین کمیسیونی سوزلاوچیلریدن بیری علی افتخاری نینگ سلاموطندارگه ایتیشیچه، سیلاو کمیسیونی نینگ قانون و طرزالعمللریگه پاک و ناپاک آوازلر اَجرهتیلیشی اوچون میکانیزم یوق و بو کمیسیون مملکت 27 ولایتیده آوازلر قیته سنهلیشی نی قانون اساسیده آلغه آلیب بارگن.
بوندهی بیاناتلر ارایه ایتیلگن بیر حالده، سیلاولر ایرکین کمیسیونی و سیلاوی تیملردن قطاری اینیقسه یقیینلیک و برقرارلیک سیلاو تیمی آرهسیده کمیده 300 مینگ آواز گه اعتبار بیریلیشی خصوصیده جدی قرمهقرشیلیکلر موجود.
یقیینلیک و برقرارلیک سیلاو تیمی مذکور آوازلرنی «جعلی و بایومتریک قیلینمهگن» دیب و اونینگ بیکار قیلینیشی اوستیگه اورغولهگن.
