مدنی فعال‌لر شنبه کون کابل‌ده دادخواه‌لیک برنامه یولگه قوییب، خبرچیلرگه قرشی قیناق‌لیک‌که سبب بولگن‌لرنینگ محکمه بولیشی‌نی سوره‌گن‌لر.
اوشبو مدنی فعال‌لر خبرچیلرنینگ کلتک‌لنیشی و بو لرگه قرشی قیناق‌لیک کوپیگنی‌دن خواطر بیلدیریب، بونده‌ی بیر قضیه‌لر باشقریلیشی خصوصیده حکومت‌دن جدی چاره تدبیر کوریشی‌نی سوره‌گن.
شونده‌ی بیرحالده، ینگی‌دن تلویزیونی ترماغلردن بیری‌نینگ سیاسی دستورلرینی باشقروچیسی امین بابک، پارلمان‌نی ایکینچی اورین باسری نذیر احمدزی‌نینگ قوریقچیلری تامانیدن کلتک لنگن.
بو واقعه مدنی و خبرچیلردن دفاع‌گر اداره‌لر و شونینگ‌دیک اجتماعی ترماق‌لر ایشلاوچیلری تامانیدن قتیق تنقیدلرگه روپه‌ره بولدی.
انسان حقوقی و مدنی جماعه‌چیلیک ترماغی باشلیغی محمدنعیم نظری‌نینگ ایتیشیچه، خبرچیلرگه قرشی قیناق‌لیک‌که سبب بولگن کیشی‌لر عدلی و قضایی اداره‌لر تامانیدن سوره‌لیشی لازم.
جناب نظری‌نینگ کوپه‌یتیریشیچه، خبرچیلرگه قرشی عمل‌گه آشیریلگن قیناقلیکلر قانون‌نی نقض قیله‌دی و زوره‌وان‌کیشی‌لر خبرچیلر برابریده صلاحیت لریدن ایش آلمس‌لیگی کیره‌ک.
شونینگ‌دیک خبرچی و مدنی فعال فهیم دشتی‌نینگ ایتیشیچه، سونگی پیت‌لرده خبرچیلرگه قرشی قیناقلیکلر کوپیگن و بو قیناق‌لیک‌لرگه نطقه قوییش لازم.
جناب دشتی‌نینگ ایتیشیچه، امنیتی رسمی‌لر امین بابک قضیه‌سی توغری‌سیده اولرنینگ تماس‌لریگه جواب بیرمه‌گن.
او، قضایی اداره‌لریدن بو خبرچی‌نینگ کلتک‌لنگن قضیه‌سینی تیکشیریشی‌نی سوره‌دی، قضیه تیکشیریلمه‌گن صورتده، بونده‌ی بیر واقعه‌لر تکرار بولیشی ممکن.
عین حالده، جناب بابک‌نینگ ایتیشیچه، نذیر احمدزی‌نینگ قوریقچیلری اونینگ بی‌سبب کلتک لگن. جناب امین قضایی اداره‌لریدن کلتک‌لگن کیشی‌لرنینگ محکمه قیلیشینی سوره‌دی.
بیراق، نذیر احمدزی‌نینگ سلام‌وطندار بیلن تلیفونی سوزله‌شیب ایتیشیچه، جناب بابک قوریقچیلری تامان کلتک‌لنگن و بو قضیه اونگه باغلیق ایمس دیر.
جناب احمدزی‌نینگ ایتیشیچه، جرم فردی عمل بوله‌دی، او بو عمل‌نی قاره‌له‌یدی.
اوتکن هفته پنج‌شنبه کون، میدیادن حمایت ایتووچی دفتر (نی) خبرچیلرگه قرشی قیناق‌لیک کوپه‌ییش سببی‌نی حکومت کوچسیزلیگی و خبرچیلرگه قرشی عمل‌گه آشیریلگن قضیه‌لر تیکشیریلمس‌لیگی دیب معلوم قیلگن.
