.jpg)
ننگرهار ولایتینینگ پچیراگام تومنی یشاوچیلریدن اونلرچه خانهدان، داعش و مردمی کوچلر اورتهسیده بولیب کیلهدیگن اوروشدن تجنگ بولیب یشش بنالرینی ترک قیلگنلر. مذکور بدرغه بولگنلر حاضر ولایت مرکزی جلالآباد شهریده کوپلب قیینچیلیکلر بیلن حیات کیچیریب کیلماقدهلر.
ننگرهار شهریده ینگی توزهتیلگن ساختمانلر تکاویسیده حیات کیچیرهدیگن پچیراگام یشاوچیلری نینگ ایتیشلریچه، بولرگه یاردم ییتکزیلمهگن صورتده، کوپلب قیینچیلیکلر بیلن روپهره بولیشلری ممکن.
پچیراگام تومنی باشلیغی میربازخان نینگ سلاموطندارگه ایتیشیچه، مذکور تومنده روی بیرهدیگن سونگی اوروشلرده، چمهسی بیرمینگ خانهدان ایتهک پچیر و یوقاری پچیردن بدرغه بولگنلر و بولرگه حاضرگه قدر هیچ قندهی یاردم بولمهگن.
بیراق ننگرهار ولایتیدهگی طبیعی حادثهلرگه قرشی کورهشه دیگن اداره رسمیلری نینگ ایتیشلریچه، اوشبو عایلهلرگه شوبوگون کومک توزیع قیلگنلر.
.jpg)
ننگرهار طبیعی حادثهلرگه قرشی کورهشه دیگن اداره باشلیغی غلامحیدرفقیرزینینگ سلاموطندارگه ایتیشیچه، اوروشدن بدرغه بولگنلر رویخطگه آلیش ایشی دوام ایتماقده و حاضرگه قدر 800 خانهداننی رویخطگه آلیب یاردملری باشلنگن.
ننگرهار والیسی نینگ سوزلاوچیسی عطاالله خوگیانی نینگ سلاموطندارگه ایتیشیچه، ایکی تشقی یاردمچی نهاد تامانیدن بدرغه بولگن هر بیرعیاله اوچون 14 مینگ افغانی نقد پول و ییگولیک آذوقهسی یاردم قیلینگن.
اوشندهیکه نیچه کوندن بیری پچیراگام تومنیده داعشگه قرشی امنیتی کوچلر بیرگهلیک عملیاتی باشلنگن، بیراق حاضرگه قدر مذکور تومن یشاوچیلری بدرغه بولیشی دوام ییتیب، کونیده اونلرچه خانهدان پچیراگامدن ولایت مرکزی و قوشنی ولایتلرگه باش پناه ایزلب بارهدیلر.
