بروکسلده خبری بیر ییغین اوتکزگن افغانستان بوییچه امریکا و کیسکین حمایهوی کوچلر قومندانی جنرال جان نیکلسون، آغیر قوراللر اینیقسه هاموی تانکلری قوراللی طالبلرنینگ قولیگه توشیشیدن خواطر بیلدیریب ایتیشیچه، دشمننینگ قولیگه توشگن آغیر قوراللردن کوپینچهسی قوراللی طالبلرنینگ نظارتی گه اوتگن اوزاقده قالگن پوستهلردن دیر.
اونینگ کوپهیتیریشیچه، بیزلر افغانستان امنیتی کوچلرینی کوچلنتیریب و گروهی کوچنی کوپهیتیریش اوچون بو کوچلرگه حربی مصلحت بیرهمیز و آغیر قوراللر دشمننینگ قولی گه توشمهسی توغریسیده، افغانستان امنیتی کوچلرینی پوستهلرنی کمهیتیریشلری توغریسیده آلقیشلهیمیز. چونکه پوستهلردن کوپینچهسی اوزاق منطقهلرده دیر و اولردن مدافعه قیلیش زور دیر، شو یوزهدن طالبلر قولیلیکده اولرنی نظارت گه آلیب و حربی جهازلرینی اوزلری بیلن آلیب کیتهدی.
امریکا و کیسکین حمایهوی کوچلرنینگ قومندانی گه کوره، اوشبو اصلاحات کیریتیلگنده، افغانستان امنیتی کوچلرینینگ گروهی هجومینی میزانی آشهدی.
جناب نیکلسون، سوزلرینی باشقه بیر بولیمیده طالبلر بیلن حکومتنینگ تینچلیگی توغریسیده ایتیشیچه، جمهور رئیس غنینینگ تینچلیک تکلیفیدن خلق ارا و عمومی حمایت بولگنی و شونینگدیک، جنوبی آسیا توغریسیده، امریکا دولتینینگ ینگی استراتیژی سیاستی گه قرهگنده، تیزلیکده حکومت و طالبلرنینگ آرهسیده، تینچلیک سوزلشوولری باشلهنیشی خصوصیده، امید توغدیرهدی.
اوشبو ییغینده، نیکلسون مملکت امنیتی کوچلرینی تقدیرلب کوپهیتیریشیچه، بو ییل افغانستان امنیتی کوچلری، بیرینچی مرته قیش جریانیده هجومی عملیاتلرینی دوام بیردی. نیچه آی جریانیده 5 مهم واقعه یوز بیردی و اوشبو واقعهلرنی برچهسی بیر ساعتدن نیچه کونگچه افغانستان امنیتی کوچلری تامانیدن باشقریلدی.
اونگه کوره، اوشبو واقعهلردن بیری ایچکی ایشلر وزیرلیگینینگ بِناسی اوستیگه طالبلر تامانیدن اویوشتیریلگن هجوم ایدی کیم، افغانستان امنیتی کوچلری تامانیدن آلدی آلیندی.
ایتیش کیرهک، ناتو تشکیلاتیگه اعضاء مملکتلرنینگ مدافعه وزیرلرینی ییغینی افغانستان مدافعه وزیری طارق شاه بهرامینینگ حضوریده، اوتگن هفته پنجشنبه و جمعه کونلری بلژیکنینگ بروکسل شهریده ناتو تشکیلاتینینگ ینگی بِناسیده یولگه قوییلدی.
اوشبو ییغین اشتراکچیلری افغانستاندن میلادی 2024- ییلگچه حمایت قیلیش توغریسیده سوز بیریشگن.
