جوزجان ولایتینینگ درزاب تومنی سرپرستی بازمحمد داورنینگ سلاموطندارگه ایتیشیچه، تومن مکتبلریدن ۱۶ تهسی نینگ اختیاری داعش جنگریلری قولیده و اوشبو گروه نفرلری منطقه اوقیتوچیلری و قوم یاش اولوغلرینی ییغیب، اولر تامانیدن تیار قیلینگن خلافت اسلامی درسلیک نصابی اوقیتیلسین دیب آگاهلنتیرگنلر.
درزاب تومنینینگ سرپرستی داعش جنگریلری خلافت اسلامی تعلیمی نصابی بارهسیده بیانات نشر قیلگن و بیاناتده منطقه یشاوچیلریدن بالهلرینی اولر نظارتیده بولگن مکتبلرده اورگهنیش اوچون قویشلرینی طلب قیلگن.
اما جوزجان معارف ریاستینینگ باشلیغی عبدالحی یشین سلاموطندارگه حاضرگه قدر درزاب تومنیده بونقه بیر گپ بولگنی بارهسیده خبری یوق ایکنلیگینی تیلگه آلگن.
عین حالده اسمی سیرسقلهنیشی شرطی بیلن درزاب تومنیدهگی منبعلردن بیرینینگ سلاموطندارگه، داعش گروهی اوز قانون و مدنیتلریگه یرهشه کیلگوسی نسللرنی اورگهتیش قصدیده دیگن.
منبعگه کوره، داعش جنگریلری درسلیک نصابلریگه بنأ، میه چهیقش، تورلی قوراللردن استفاده قیلیش، آسیش، اولدیریش و باش کیسیشنی هم بالهلرگه اورگتهدی.
