بوگون دوشنبه حوت آیی نینگ 4 – سی مدنی جامعه چیلیک فعاللری شعارلر کوتاریب، مملکتده سونگی وقتلرده زوروانلیکلر قربانی بولگنلردن حمایت بیلدیریش و زوروانلیک عامللری عفو ایتیلیش مدنیتی بیکار ایتیلیشینی سوره گنلر. مذکور ناراضیلیک نمایشلر اخرگی وقتلرده افغانستان بویلب خاتین – قیزلرگه قرشی زوروانلیک میزانی سیزیلرلی درجه ده آشگن بیر چاغده اویوشتیریلماقده.
بوندن نیچه کون آلدین هرات ولایتیده بیر ایرکک خاتینینینگ تناسلی آله سینی کیسگن ایدی. شونینگدیک دایکندی ولایتیده بیر قیز آته سی تامانیدن بیر ملاگه خُمسگه بیریلگن.
مدنی جماعه چیلیک فعاللری نینگ سلام وطندارگه ، « حکومت زوروانلیککه قرشی حالتلرگه سکوت سقله گن»ده بیز جدی اعتراض بیلدیره میز دییه تیلگه آلگنلر.
مدنی جماعه چیلیک فعاللردن عبدالله احمدی نینگ سلام وطندارگه ایتیشیچه، مذکور ناراضیلیک نمایش سونگی بیر نیچه وقت ایچیده خاتین – قیزلرگه ضد یوز بیرگن زوروانلیککلرگه قرشی یولگه قوییلگن.
اونگه کوره، دولت اهالی آوازینی ایشیتیشی کیرهک. شونینگ دیک اعتراضچیلر زوروانلیککه عاید دوسیه لر محکمه لرده جدی تیکشیریلیشی لازملیگی باره سیده تاکیدله گنلر.
شوکبی جناب احمدی زوروانلیکک حاللری کوپهیشیگه بیرینچی سبب زوروانلیکنی عملگه آشیره دیگنلر جزالنمس لیگی اساسی عامل ایکن لیگینی ایتگن. عین حالده، مدنی جماعه چیلیک نینگ باشقه بیر فعالی احمد شاه استانکزی گه کوره، «بیز سونگی نیچه وقت ایچیده عیاللرگه قرشی قوللنیله دیگن زوروانلیکلر میزانی آشگنی سبب بوندهی اعتراضگه قول اورگنمیز». شونینگدیک استانکزی، دولت همده قضایی ادارهلر عیاللرگه قرشی زوروانلیک مسله لریگه جدی بولیشیلری لازم دیگن.
جناب استانکزی سوزلریگه قره گنده، اخرگی چاغلرده زوروانلیک نینگ میزانی آشگنلیگی اوچون اساسی عامللردن بیری جنایی جرملر دوسیه سی تیکشیریلمسلیگی، عالی محکمه لردهگی موجود اداری فساد و محکمه لرده هیچ قندهی نظارت بولمه گن لیگی باعث بولگن.
استانکزیگه کوره، اهالی، مدنی جماعه چیلیک ادارهلری و دین عالملری بیر قول بولیب اوشبو مسله گه جدی قرشی کوره شسهلر تیزده ایجابی نتیجه بیریشیگه ایشانچی کامل.
بوگون اوتکزیلگن ناراضیلیک نمایشده قتنشگن عبدالودود منه بو سوزلرنی تیلگه آلگن: « سونگی وقتلرده صادر ایتیلگن زوروانلیکلر اوچون دولت هیچ قندهی عکس العمل کورستمه گن. مدنی جماعه چیلیک ادارهلری یوللرگه چیقیب بو مسله گه دولت تامانیدن قتیق اعتبار قره تیلیشینی سوره گنلر.
دولت تجاوزچی لرنی محاکمه گه تارتسین» افغانستان اهالیسی و مدنی جماعه چیلک فعاللری تامانیدن اویوشتیریله دیگن ناراضیلیک نمایشلر
ایریم حاللرده نتیجه بیریب، بعضن تجاوزچیلر محاکمه ایتیلیشی اوچون ایجابی تاثیر قالدیرگن. زوروانلیک افغانستانده ایلدیز آتگن مسلهلردن و بو قبل حادثهلر کوپینچه ولایتلرنینگ اوزاق حدودلریده کوپراق کوزه تیلگن.
