معلومات و مدنیت وزیرلیگی سرپرستی نینگ ایتیشیچه، خطاطلیک و مینیاتورلیک صنعتی افغانستان نینگ فرهنگی میراث‌لرینی بیر بولیمی دیر.
معلومات و مدنیت وزیرلیگی سرپرستی محمدطاهر زهیرنینگ هراتده خطاطلیک و مینیاتورلیک کورگزمه‌سی نینگ آچیلیش مراسمیده ایتیشیچه، هرات خطاطلیک و مینیاتورلیک صنعتی نینگ مرکزی دیر و اوشبو ایکی صنعت افغانستان نینگ فرهنگی میراث‌لری جمله‌سیدن.
معلومات و مدنیت وزیرلیگی نینگ سرپرستی، اوشبو ایکی صنعت‌نی یونسکو تشکیلاتیده قید قیلیش اوچون سعی و حرکت قیلینگنی‌دن خبر بیریب و باشقه مملکت‌لر جمله‌دن ایران و ترکیه‌دن اوشبو افتخار‌گه اوزلرینی سهیم بیلیش‌لرینی سوره‌گن.
جناب زهیر، خطاطلیک و مینیاتورلیک صنعتی‌نی اوز آت‌لریگه قید قیلیش اوچون ایران و ترکیه قراریدن تنقید قیلیب و اوشبو مملکت‌لرنینگ حرکتیدن سونگ، اعتراض‌لرینی یونسکو تشکیلاتی‌گه ییتیشتیرگن‌لریدن خبر بیرگن.
اونینگ کوپه‌یتیریشیچه، اعتراض‌لریدن سونگ، یونسکو تشکیلاتی خطاطلیک و مینیاتورلیک صنعت‌لرینی رویخط گه آلیش جریانی‌نی توخته‌تیب قویگن و افغانستانده بوتوغریده بولگن حجت‌لرینی ارایه قیلیش اوچون 2021- ییل‌گه‌قدر زمان بیرگن.
جناب زهیر، استاد کمال‌الدین بهزاد هروی نینگ مقبره‌سی قیته‌قوریلیشیدن خبر بیریب و استاد کمال‌لدین بهزاد هروی‌نی مینیاتورلیک صنعت نینگ اساسیچیسی عنوان قیلگن.
خطاطلیک و مینیاتورلیک کورگزمه‌سی اوتگن "پنجشنبه" کونی هرات ولایتیده آچیلگن.
اوشبو کورگزمهده 65 خطاطلیک و مینیاتورلیک آثارلر بیلیم یورت‌لرنینگ اوقیتووچی‌لری و هرات ولایتی بوییچه خطاطلیک انجمنی تامانیدن هرات مرکزی کتابخانه‌سی نینگ علامه سلجوقی سالونیده کورگزمه‌گه قوییلگن.
