.jpg)
تخار ولایتیدهگی بیرینچی سینما بناسی 16 ییلدن سونگ قیته قوریلهدی. سونگی پیتلرده دورهچیلر و قول ساتووچیلری بو سینما حویلیسی و اطرافیده توپلنهدیلر و بونگه قوشیمچه سونگی قیشلر جریانیده بو سینمانینگ سقفی هم بوزیلگن.
تخار ولایتینینگ شهرداری عزیز مقصودینینگ ایتیشیچه، اوشبو ولایت سینماسی قیته قوریلیشیگه 3 میلیون افغانی صرفلنهدی.
جناب مقصودیگه کوره، چیت ایل مملکتلردن فلم کورستهدیگن عصری اسکونهلر ساتیب آلینیشی و آلیب کیلینیشی خصوصیده بحثلر اوتکزیلگن.
.jpg)
مذکور سینما، قطار مدنیتچیلر و مدنیت سیورلرنینگ همکارلیگیده دنیا و منطقه سینمایی فعالیتلرینی کورسهتیشگه قرار قیلینگن.
تخار ولایتی شهردارینینگ بو ایشینی تکرارسیز و آلقیشگه سزوار دیگن ولایت شاعری و یازووچیسی وحید بکتاشنینگ ایتیشیچه، بو سینمانینگ قیته قوریلیشی تخار خلقینینگ مدنی فعالیتلری و صنعتلریگه قیتهدن جان بیریشی ممکن.
اوشبو سینمادن تخار مدنیتینینگ ایسکی اورنکی صفتیده ایسلهگن جناب بکتاشنینگ ایتیشیچه، افغانستاننینگ باشقه سینمالریگه قرشی بو سینماده دنیانینگ اینگ یخشی سینمایی اثرلری فارس تیلیده کورسهتیلیشی ممکن.
تخار سینماسینینگ تاریخیدن 50 ییلدن کوپراق بولهدی.
