افغانستان ملی مدافعه وزیرلیگی‌نینگ یوقاری مرتبه‌لی رسمی‌لری، هر کیچه 1 دن 6 ته کیچکی عملیات اوتکزیله‌دی دیگن‌لر.
اوتگن کون افغانستان ایچکی ایشلر وزیرلیگی‌نینگ سوزلاوچی‌سی صدیق صدیقی بیلن قوشمه مطبوعات انجمنی‌ده سوزله‌گن مدافعه وزیرلیگی‌نینگ سوزلاوچی‌سی دولت وزیری، افغان ملی کوچلری اهالی همکارلیگی بیلن قورال‌لی طالب‌لرنی مملکت‌نینگ هر نقطه‌سی‌ده نابود قیلیش اوچون تیارلر دیگن.
شونینگ‌دیک دولت وزیری اهالی همکارلیگی بیلن اوتکزیلگن کیچکی عملیات‌لرنینگ ایجابی نتیجه‌سی بارلیگی‌نی تیل‌گه آلگن.
ایچکی ایشلر وزیرلیگی‌نینگ سوزلاوچی‌سی صدیق صدیقی، ملی پولیس بیلن ملی اردو کوچلری سونگی ایکی آی ایچی‌ده قورال‌لی طالب‌لرگه آغیر تلفات ییتکزگن‌لر دیگن. اونینگ سوزلریگه قره‌گن‌ده، ملی کوچلرنینگ عملیات‌لری آقیمی‌ده جنگری‌لرنینگ بیر قنچه قوماندانلری هم اولدیریلگن.
عین حالده، باشقه ولایت‌لرگه قره‌گن‌ده هلمند جنگر لرنینگ تهدیده آستی‌ده بولگن لیگینی ایتگن صدیقی، بو ولایت هم تیزلیک ده ملی کوچلر طرفی‌دن باقرار ایتیلیشی امکاندن اوزاق ایمس دیگن.
قوررال‌لی طالب‌لر حمل آیی باشله‌نیشی بیلن "عمری" عملیات اوتکزیشلری توغریسی‌ده خبر بیرگن ایدیلر. اخیرگی ایکّی آیده جنگری‌لر مملکت‌نینگ بعضی ولایت‌لریده خودکش هجوملرنی صادر قیلیش نی هم ایه‌مه‌دی.
صدیقی، حربی عملیات‌لرده قورال‌لی طالب‌لر شکست ییگن‌لیگینی ینه بیر بار ایتگن.
