افغانستان توپراغیده حکومتگه قرشی 3 مینگدن آشه تشقی جنگری عصیانچیلیک ایشلریگه قول اوریب کیلماقده. بومطلبنی افغانستان ایچکی ایشلر وزیری نورالحق علومی چین اولکه سیدن قیتیب کیلیشی بیلن یکشنبه کونگی خبری انجمنده بیان قیلدی.
شونینگدیک، حکومت یوقاری مرتبهلی مقامیگه کوره، افغانستان امنیتی، اولکه بویلب دشمنگه قرشی مقابله قیله آلهدیلر.
جناب علومی مذکور سفردهگی قولگه کیریتگن یوتوقلر باره سیده ایتیشیچه، ایکی اولکه چیگرهلرینی اسرهش اوچون ایکی کیلیشیکگه قول قویلگن.
ایچکی ایشلر وزیرینینگ ایتیشیچه، افغانستان بیلن چین اولکهسی 94 کیلومتر قوشمه چیگرهسی بار و ایکی اولکه بیرلیکده چیگرهلر قوریش اوچون قاچاقچیلرو باشقه خلاف ایشلر آلدینی آلیشگه مبارزه قیلیشهدی.
جناب علومیگه کوره، مذکور سفرده، افغانستان حربی کوچلرینینگ جهازلشلنتیریش اوچون بیجینگ یاردمینی قولگه کیریتیشگه اولگورگن.
ایچکی ایشلر وزیری بومطلبنی افغانستان امنیتی کوچلری اولکه بویلب ایچکی و تشقی جنگریلرگه قرشی جبهه آلیب اوریشیب کیلیش بیرچاغده بیان قیلدی و شو حاضرگی اوروشلر دوام ایتیش دلیلی هم امنیتی کوچلر حاضرگی قوراللربیلن جهازلنمهگنلیکلری ایتیلهدی.
حکومت رسمیسینینگ ایتیشیچه، چین، افغانستان امنیتی کوچلریدن حمایت قیلهدی و بو کوچلردن 60 تهسیگه حربی تعلیمات بیرهدی.
افغانستان ایچکی ایشلر وزیرینینگ ایتیشیچه، اولکه ایریم منطقه لریدگی عصیانچیلر هجومی مذکور گروهنینگ قیش موسومی دهگی تیارگرلیگی نتیجهسی بولگن.
شونینگدیک یکشنبه کونی ایرتهلب حامدکرزی خلق ارا هوا میدانی یقینیده جایلشگن هوا شناسلیک اداره سی یانیده پارتلش صادر قیلیندی. گزارشلرگه کوره، مذکور واقعهده 2 کیشی هلاک و 21 کیشی یرهلنگن.
اوتکن ایکی هفته جریانیده کابل بیشینچی پارتلاو هجوم گواه ایدی.
اوتکن کیچه کابل بیلیم یورتیده یوز بیرگن بیر پارتلاو هجومده ایکی کیشی تن جراحت آلگن ایدی و اوندن آلدین طالبلر کلوله پشته منطقهسیده جایلشگن بیر مهمانخانه هجوم ایلتیشلری بیلن تشقی لیکلر قوشیمچه14 کیشی هلاک و باشقه کوپلب یرهلنگن ایدی. ایکی مرته باش قارلاوچیلیک اداره سی اوستیگه هجوم اویوشتیریلگن ایدی.
