تخار ده هاوان اوقی پارتله‌شی عاقبتیده 7 باله جان بیرگن

تخار ولایتی دن محلی بیر منبع نینگ ایتیشیچه، اوشبو ولایت نینگ اشکمش تومنیده بیر مدرسه ده هاوان اوقی پارتله‌شی عاقبتیده 7 باله جان بیرگن و باشقه 8 ته‌سی یره‌لنگن.

تخار پولیس قومندانلیگی سوزلاوچیسی خلیل اسیرنینگ سلام‌وطندارگه ایتیشیچه، بو واقعه بوگون «پنجشنبه، 29- جوزا» توشدن آلدین ساعت 11:00 اشکمش تومنی نینگ ایسکی شهریده بولگن بیر مدرسه ده یوز بیرگن.

اونگه کوره، اوشبو واقعه قربانلری نینگ برچه‌سی 18 یاش دن قویی بولگن.

جناب اسیرنینگ ایتیشیچه، بو واقعه طلبه‌لر هاوان اوقی‌نی بیر ییردن باشقه ییرگه انتقال بیره‌یاتگن چاغده یوز بیرگن.

اونگه کوره، اوشبو واقعه قربانلری نینگ رقمی آشیشی ممکن.

اشکمش، تخار ولایتی نینگ 16 تومنیدن بیری بولیب تخار مرکزی تالقان شهری نینگ 120 کیلومترلیگی ده جایلشگن.