اولکه مالیه وزیرلیگی‌نینگ آلگن تصمیمی اساسیده، کویدیرگی‌لیک و مخابراتی انتفاعی شرکتلر مالیاتی کوپه‌یتیریلدی. اوشبو تصمیم سنبله آیی‌نینگ 15 یدن کیین عمل‌گه آشیریله‌دی.
مذکور وزیرلیک تامانیدن ترقه‌تیلگن خبرنامه‌نینگ بیلدیریشیچه، وزیرلرکینگشی‌نینگ سونگی تصمیم‌گه قره گنده، دولت در آمدی‌گه آرتیریلیشی و اهالیگه اجتماعی خدمات یخشیله‌نیشی اساسیده، آلگن تصمیم‌لر یوزه‌سیدن انتفاعی مالیات‌لر 2 فایزدن 4 فایزگه کوتریلگن و وارد ایتیله‌دیگن ییریاغی و گاز کیلو و لیتریده، بیر افغانی‌دن 2 افغانی‌گه کوتریلگن.
خبرنامه‌نینگ کوپه‌یتیرشیچه، مخابراتی خدمت‌لری‌نینگ ایشلته‌دیگنلریدن 10 فایز مالیه آلیش تصمیمی آلینگ و 2 جی و 3 جی انترنت‌لر کارتی‌دن هم شونچه آلینه‌دی.
مالیه وزیرلیگی‌نینگ سوزلاوچیسی اجمل‌حمید عبدالرحیم‌زی نینگ سلام‌وطندارگه بیلدیریشیچه، بو تصمیم مخابراتی و سوداگرلیک شرکتلر باشلیغ‌لری نینگ اویغورلیگی بیلن آلینگن.
جناب عبدالرحیم‌زی نینگ کوپه‌یتیریشیچه، بو محصوللر درآمدی مخابراتی شرکتلر آرقه‌لی دولت خزینه‌سیگه توغریدن توغری اوتکزیله‌دی.
وزیرلرکینگشی بوتصمیمی اساسیده، مخابرات و تکنالوژی و مالیه وزیرلیگی مخابراتی شرکت‌لرنی بیرگه‌لیکده تیکشیره‌دیلر و بوشرکت‌لردن کیلگن پول دولت حساباتی‌گه اوتیش ایشانچ‌لرینی کامل قیلیشلری کوزه تیله‌دی.
عین حالده، اولکه یشاوچی‌لری مالیه وزیرلیگی‌نینگ سونگی آلگن تصمیمی‌دن خواطر بیلدیریب ایتیشلریچه، حکومت سونگی حرکتی اولرگه اقتصادی باسیم کیلتیره‌دی. یشاوچی‌لرگه کوره، مالیات یوقاری کوتریلیشی بیلن، اولیه ماده‌لر بهاسی هم کوتریله‌دی و نهایت‌ده اوشبو تصمیم‌نینگ اهالیگه خسارات کیلتیریشدن باشقه گپ یوق.
اقتصادی ایش بیلرمانلرهم مالیه کوتاریلیشی‌نی اهالیگه ضرر کیلتیریشی دیب بیله‌دیلر. اقتصادی ایش بیلرمانلردن بیری قیس محمدی‌نینگ ایتیشیچه، شو حاضر اولکه یشاوچی‌لری اقتصادی وضعیت‌لری یمانله‌شیب کیتشی بیلن بیرگه اولکه‌دن چیقیب کیتیش‌گه مجبور بولگن‌لر و بو ایش اولر حیاتیگه ینه‌ده سلبی تأثیر قویشه‌دی.
وزیرلرکینگشی سونگی فیصله‌سی اساسیده، مخابراتی شرکتلر سنبله آیی نینگ 15یدن کیین ایجاد ایتیلگن سیستم‌گه قره‌تیب محصولاتلریدن 10 فایزینی دولت حسابی‌گه تولشلری اوچون مکلف‌لر.
