وروسته له هغې چې د پاکستاني پارلمان د یمن او سعودي عربستان په شخړه کې د پاکستان پر بې پریوالي ټېنګار وکړ، متحده عربي امارتو سخت غبرګون ښودلی دی.
د متحده عربي امارتو د بهرنیو چارو ریاستي وزیر ډاکټر محمود ګرګاش ویلي، چې پاکستان ته پکار دي د عربي هیوادونو سره د ستراتيژيکې ملګرتیا له کبله پاکستان روښانه دريځ خپل کړي.
دغه اماراتي چارواکي ويلي چې که پاکستان د یمن په جګړه کې روښانه دريځ خپل نه کړي نو ډور دروند به ورته تمام شي.
د عربي اماراتو د بهرنيو چارو وزير وايي چې دپاکستان مبهم دریځ په ډاګه کوي چې له عربي خلیجي هیوادونو پر ځای د ایران پلوي کوي.
دپاکستان پارلمان تېره اونۍ خپل حکومت ته سپارښتنه کړې وه چې د یمن په جګړه کې دې د دریم ګړي رول ادا کړي او خپل پوځونه دې هغه هیواد ته د سعودي عربستان په ملاتړ نه ليږي.
له دې وروسته دایران د بهرنيو چارو وزیر جواد ظریف په ترکیه کې دپاکستان د لومړي وزیر نواز شریف سره په کتنه کې ټېنګار کړی و چې اسلامي هیوادونه دې د یمن په شخړه کې سولییز رول ادا کړي.
د یادولو ده، چې یمن پر دار الحکومت باندې حمله او د عبدالرب لمنصور هادي تښتېدل د دې لامل شول، چې سعودي عربستان د مار چ پر ۲۶مه نېټه د یمن پر حوثي یاغیانو هوايي بریدونه وکړل.
