.JPG)
سلام‌وطندارنینگ اختیاریده بولگن ینگی حجت گه کوره، مالیه وزیرلیگی نینگ دولتی ملک‌لر عمومی باشلیغی محمدعلم ظریف استانکزی، شرطنامه‌لر مدیری عبدالله، شرطنامه‌لر مدیرلیگی‌نی سرپرستی زدران، شرطنامه‌لر آمری سید مسیح‌الله، دولتی ملک‌لرنی تمیزلش و رویخط‌گه آلیش باشلیغی روح‌الله حق‌دوست، ولایتی ملک‌لر باشلیغی عبدالقیوم شمس و بهره‌بردارلیک اداره‌سی نینگ باشلیغی محمدآجان سربلند، تدارکات قانونی، ملک‌لر طرزالعملی و مالی ایشلر قانونی گه قرشی بیر کیلیشووده یوزلرچه جریب دن آرتیق دولتی ییر، نیچه مارکیت و اونلرچه دولتی دکان نی مرکز و ولایت‌لرده کرایه و اجاره بیریشگن.
اوشبو حجت‌لرنی باشقه بیرقطاری گه کوره، پشتنی بانک نینگ بیر میلیون و 300 مینگ افغانی ارزشی بولگن آست قاتی زرگرلیک دکانلری نینگ کیم آچتی سوداسیده ایکی کیشی برنده اعلان قیلینگن، بیراق دولتی ملک‌لرنی عمومی باشلیغی محمدعلم ظریف استانکزی، بو شرطنامه نی بیکار قیلیب و دکانلرنی باشقه بیر کیلیشوو اساسیده، آز پول ده باشقه کیشی‌لر بیلن شرطنامه باغله‌گن.
مذکور کیشی‌لرنینگ صلاحیت‌لریدن سوءاستعمال قیلیش نتیجه‌سیده قولگه کیریتیلگن پول مقداری توغریسیده هیچ نرسه دییلمه‌گن. بیراق سلام‌وطندارنینگ اختیاریده بولگن حجت گه کوره، قویاش 1391- ییلدن بویان عامه دارایی‌سیدن کوپ پول تالان قیلینگن. لیکن حجت اساسیده، مملکت بویلب کمیده 179 دولتی جایداد جنجل‌ده ایکن و اجاره‌چی‌لرنینگ 74090128 دالر باقی‌دارلیگی رویخط‌گه آلینگن. حجت گه کوره، غصب ایتیلگن و جنجل‌لی بولگن 179 جایداد آره‌سیدن یالغیز 4 دوسیه تیکشیریلگن و قالگن دوسیه‌لرنی توغریسیده فکر قیلینمه‌گن.
سلام‌وطندارگه صحبت بیرگن ایشانچ‌لی منبع نینگ ایتیشیچه، بو دوسیه ده عیب‌لنگن‌لر جمهور رئیس غنی تامانیدن قاره‌لاوچیلیک‌که تانیشتیریلگن.
دهقانلرنینگ کوپراتیفی ییریدن اونلرچه جریبی‌ده هشمت‌لی هوتللر قوریلگن
سلام‌وطندار اختیاریگه قرار تاپگن بیرقطار حجتلرگه کوره، دهقانلرنینگ کوپراتیفی جایدادلریدن 40 جریبی کابل هوا قونالغه‌سی جاده‌سیگه جایلشگن و اوشبو ییرلرده هوتللر و تیل تانک‌لری قوریلگن. حجت‌لردن نقل قیلینیشیچه، ایکینچی‌لرنینگ کوپراتیفی ییرلریدن 15000 مترمربع‌سی ممتاز محل هوتلی، 9142.7 مترمربع‌سی خلیج هوتلی، 14000 مترمربع‌سی ستاره شهر هوتلی، 12600 مترمربع‌سی امرالدین نینگ اوغلی امام‌الدین، 12572 مترمربع‌سی اورانوس هوتلی‌گه بیریلگن، اورانوس هوتل‌گه قوشنی 6000 متر مربع ییردن 900 متر مربع‌سی هیچ‌قندی تدارکاتی ییغین صورت تاپمسدن اتفاق تیل تانگی‌گه تاپشیریلگن. اولردن 9785.3 مترمربع‌سی نینگ کیم‌لر تامانیدن غصب ایتیلگنی خصوصیده معلومات بیریلمه‌گن.
.JPG)
حجتلرگه کوره، قراردادلر کاپی‌سی و بیرینچی دور داوطلب‌لیک حجت‌لری، داوطلب‌لر رقمی و اوشبو رقم ییرلر، هوتللر و تیل‌تانک‌لری نینگ آفر قراردادلری تیکشیرووچی هیات اختیاریگه قویلمه‌گن.
ایتیلیشیچه، یادلنگن جایدادلر بوندن آلدین ایکینچی‌لرنینگ کوپراتیفی تامانیدن آق ییر صفتیده هوتللر صاحب‌لریگه اجاره بیریلگن ایکن، بیراق تدارکات قانونیگه کوره، مذکور جایدادلرنی داوطلب‌لیک آرقه‌لی کرایه و یا-ده اجاره بیریلیشی کیره‌ک دیر.
حجت‌لردن نقل قیلینیشیچه، اوشبو قانونگه قرشی حرکت 1392- ییلدن بویان صورت تاپگن، رقمی بیللی بولمه‌گن قراردادلرگه کیلیشوولر صورت تاپیلیشی نتیجه‌سیده تالان قیلینگن.
دواطلب شرکتلرنینگ چیقاریلیشی
سلام‌وطندار اختیاریگه توشگن حجتلرگه کوره، دولتی املاک عمومی باشلیغی محمدعلم ظریف استانکزی، املاک‌لرنی تصفیه قیلیش و رویخط گه آلیش باشلیغی، قراردادلر آمری، قراردادلر مدیری و باشقه بیرقطار مسووللر بیلن کیلیشب، قطار دولتی مارکیت‌لر و دکانلرنی قانون و تدارکاتی مرحلهنی نظرگه آلمه‌سدن کم بها ده کرایه‌گه بیرگن.
بیرقطار منبع‌لرنینگ سلام‌وطندارگه ایتیشیچه، املاک عمومی باشلیغی محمدعلم ستانکزی بیر کیلیشوو اساسیگه، بیرقطار شرکت‌لرنی دواطلب‌لیک مرحله‌دن چیقارگن و اوشبو مارکیت کابل شهری‌نینگ بیرینچی ناحیه‌سیگه جایلشگن و اوز ایسته‌گی اساسیده کرایه‌گه بیرگن. اوندن سونگ، نماینده‌لر کینگشی‌نینگ مالی و بودجه کمیسیونی، پارلمان ایشلری بوییچه دولت وزیرلیگی‌گه بیرمکتوب یوباریب سوداگرلیک شرکتلرنینگ برکت مارکیتی دواطلب‌لیگیدن چیقاریلگنی باعث، اوشبو شرکت مسووللری شکایت قیلگنلر و بو مارکیت نینگ تدارکاتی مرحله‌سی قیته‌دن یولگه قویلیشی کیره‌ک دیگن.
پارلمان ایشلری بوییچه دولت وزیرلیگی تامانیدن مالیه وزیرلیگی‌نینگ عمومی املاک ریاستی‌گه یوباریلگن مکتوب‌گه ایتیلیشیچه، برکت مارکیتی‌نی قیته‌دن دواطلب‌لیک‌که قویش اوچون مکلف دیر.
سلام‌وطندارنینگ اختیاریده بولگن حجت‌لرنی باشقه بیر قسمتی‌ده کیلیشیچه، 14 قبت‌لی سینما پامیر بناسی اونگیده بولگن 515 متر مربع ییرده قوریلگن ایکی قبت‌لی سوداگرلیک مارکیت شرطنامه‌سی، میوند جاده‌سیده 40 متر مربع ییرده ایکی دوکان آیلیک 37296 افغانی، میوند جاده‌سیده 49 متر مربع ییرده بیر داروخانه آیلیک 37297 افغانی و میوند جاده‌سیده 75.52 متر مربع ییرده بیر دوکان آیلیک 37296 افغانی، 14 قبت‌لی سینما پامیر بناسی نینگ آست قبتی‌ده ایکی دوکان آیلیک 354623 افغانی، میوند جاده‌سیده 356.58 متر مربع ییرده بیر آپارتمان آیلیک 53531 افغانی، انصاری تورت یولی‌ده 62.035 متر مربع ییرده بیر داروخانه آیلیک 52278 افغانی، پل‌باغ عمومی‌ده رخت ساتووچی 3 دوکان آیلیک 80586 افغانی، ایسکی مکروریان کوپریکی یقینیده 18 جریب ییر، هر جریبی 20000 افغانی، بگرامی نساجی ایچیده 2166 متر مربع ییرده بیر هنگر آیلیک 46325 افغانی، بگرامی‌ده 4510 متر مربع ییرده بیر هنگر آیلیک 82240 افغانی، شهرآرا برجی یقینیده 3252.9 متر مربع ییرده بیر سرای آیلیک 25878 افغانی قانونی و تدارکاتی باسقیچ‌لری اوتکزیلمس‌دن و بو ییرلر و دکانلرنینگ اصلی قیمتی‌دن نیچه برابر ارزان شرطنامه باغلنگن.
.JPG)
غصب ایتیلگن ییرلرنی قیته آلیش خصوصیده دقت‌سیزلیک
اوشبو حجت‌لردن بیرقطاریگه کورینیشیچه، کابل، فاریاب، بلخ، هرات، پروان، قندوز، بدخشان، پکتیا، نیمروز و جوزجان ولایت‌لریده دولتی ییرلردن یوزلرچه جریبی زوره‌وان‌لر تامانیدن غصب ایتیلگن و مالیه وزیرلیگی‌نینگ عمومی املاک ریاستی حاضرگه‌قدر بوتوغریده دقت قیلمه‌گن، بیراق اوشبو رقم دولتی ییرلرنینگ کیم‌لر تامانیدن غصب ایتیلگنی خصوصیده جزییات بیریلمه‌گن.
حجتلرگه کوره، کابل شهری نینگ چمن حضوری منطقه‌سیده 142 جریب ییر و جزییاتی بیللی بولمه‌گن بیرقطعه ییر، کابل شهری نینگ پروان سوم منطقه‌سیده بیر چقور قودوغ، کابل شهری‌نینگ بیرینچی ناحیه‌سیده 5 باب دکان، کنر ولایتیده بیر تیل‌تانک، هرات ده 5 رقم جایداد، هراتده بیر دولتی بنا، 5 دکان، پروان ولایتیده 6 اتاق، فاریاب ولایتیده بیر دولتی بنا، بلخ ولایتیده بیر دولتی حویلی و هرات ولایتیده بیر هوتل بیرقطار کیشی‌لر تامانیدن غصب قیلینگن، بیراق بو کیشی‌لر خصوصیده جزییات بیریلمه‌گن.
حجت‌لر بیر بولیمیده ایتیلیشیچه، مسووللرنینگ امنیتی نهادلر، دولت نینگ قضیه‌لر ریاستی و محکمه تامانیدن جدی شکلده تیکشیریلمه‌گنی سبب، دولتی درآمدلر کسر قیلینگن.
مخابراتی شرکتلر و قطار کیشی‌لرنینگ میلیون‌لرچه قرضدارلیگی
سندلردن نینگ کورستیشیچه، ام تی ان و روشن مخابراتی ترماغی، پلچرخی ریگریشن شرطنامه‌سی، رحمت‌الله آتلی بیر کیشی و سانی اونلرچه کیشی گه یتیشه‌دیگن سروبی تومن دکاندارلری دولتی پول و کرایه تولمه‌گنلری باعث اونلرچه میلیون قرضدار بولگنلر.
قرضدارلر رویخطی نینگ باشیده قرار تاپگن سلیمان اوغلی رحمت‌الله 2885138 افغانی، سروبی تومن دکاندارلری 15 میلیون افغانی، ام تی ان مخابراتی ترماغی 4166818 افغانی، پلچرخی ریگریشن شرطنامه صاحبی دلاورخان 760413 افغانی و روشن مخابراتی ترماغی 604978 افغانی قرضدار بولگنلر کیم حاضرگچه حساب‌لری تازه‌لنمه‌گن. مذکور حجتلرنینگ بیر بولیمیده تیکشیره‌دیگن هیأت نینگ فکری جایلشتیریلگن و اولرگه کوره، وظیفوی غفلت، قرض و کرایه‌لرنینگ تولمه‌گنی و شونینگدیک قرادادلرنینگ لغو ایتیلمه‌گنی دولتی عایدلرنینگ کمه‌یشی گه سبب بولگن.
مالیه وزیرلیگی نینگ ایچکی تیکشیرو ریاستی، تیکشیرولریدن کیین عالی تیکشیرو اداره‌سی نینگ ایشیدن تنقید قیلیب یازیشیچه، بو اداره ایشلاوچیلری تیکشیرولر جریانیده انیق‌لنمه‌گن دلیللر باعث جناب محمدظریف علم استانکزی، املاک عمومی باشلیغی، قراردادلرنینگ مدیریت قیله‌دیگن سابق مدیری عبدالله، قراردادلر آمری سید مسیح‌الله، روح‌الله حق‌دوست، دولتی املاک نی قید و تازلش باشلیغی، ولایتی املاک باشلیغی عبدالقیوم شمس و فایده‌لش گه تاپشیریش باشلیغی محمدآجان سربلند نینگ ناقانونی ایش‌لریدن کوز یومگن.
مالیه وزیرلیگی نینگ ایچکی تیکشیرو ریاستی گزارشی نینگ اداغیده یازیشیچه، بو موضوع آرتیق تیکشیرو اوچون عدلی و قضایی اداره‌لرگه یوباریلگن.
شونینگدیک سلام‌وطندارنینگ قولیگه توشگن باش‌قاره‌لاوچیلیک تحریرات و دارالانشا ریاستی مکتوبی نینگ کورستیشیچه، باش قاره‌لاوچیلیک تحریرات و دارالانشا ریاستی باشلیغی نور هادی هادی دوسیه نی باش قاره‌لاوچیلیک اداری‌سی نینگ فسادگه قرشی کوره‌ش اورین‌باسرلیگی گه یوبارگن و اولردن قانون اساسیده عمل قیلیش‌لرینی سوره‌گن.
مملکت باش‌قاره‌لاوچیلیگی سوزلاوچیسی جمشید رسولی نینگ ایتیشیچه، فساد و دولتی املاک عمومی ریاستی ایشلاوچیلری نینگ حقیده‌گی دوسیه، مالیه وزیرلیگی تامانیدن باش قاره‌لاوچیلیک که یوباریلگن.
جناب رسولی گه کوره، دولتی املاک عمومی ریاستی ایشلاوچیلری نینگ دوسیه‌سی فساد گه قرشی کوره‌ش قاره‌لاوچیلیگی گه تاپشیریلگن و بو اداره دوسیه‌لرنی تیکشیرگندن کیین، قاره‌لاوچیلیک اونینگ اوستیگه ایشلش یا-ده کوپینچه تدقیقات اوچون تیگیشلی اداره گه یوباریلیشی خصوصیده قرار آلیش‌لری ممکن.
«ایکی اوچ کوندن بویان قاره‌لاوچی موضوع نینگ اوستیگه ایش قیلماقده. باش قاره‌لاوچیلر تیزلیکده قضیه توغریسیده تدقیق باشله‌نیشی یا-ده مسترد بولیشی حقیده قرار آلیش‌لری ممکن.»
بو عیبلاولر خصوصیده دولتی املاک عمومی ریاستی نینگ سابق ایشلاوچیلری اینیقسه محمد ظریف علم استانکزی نینگ فکرینی اورگه‌نیش ایسته‌دیک، بیراق موق بولمه‌دیک.
بیراق تیکشیروو عالی اداره‌سی نینگ ایتیشیچه، محمدظریف علم استانکزی جمهوررئیس غنی نینگ بویروغی اساسیده مذکور اداره گه تانیشتیریلگن و حاضر بو اداره نینگ مرکزی بودجه اداره‌لری سرپرستی صفتیده ایش قیله‌دی.
سلام‌وطندار گه صحبت بیرگن عالی اداره مطبوعات مسئولی فاضل آرام نینگ ایتیشیچه، جناب استانکزی بو موضوع‌لرنینگ برچه‌سینی رد قیلگن دیب ایتیشیچه، بونده‌ی عیبلاولر حقیقت بولگن صورتده قانونی مرجع‌لردن تعقیب بولیشی کیره‌ک.
«جناب استانکزی جمهوررئیس نینگ بویروغی اساسیده تعیین ایتیلگن، بیراق اِیسیم‌ده قالمه‌گن کیم یالغیز تعیین ایتیلدی می یا-ده باشقه نیچه رئیس بیلن بیرگه، جمهوررئیس نینگ بویروغی اساسیده عالی تیکشیرو اداره‌سیگه تعیین ایتیلگن.»
عین حالده، مالیه وزیرلیگی گه تیگیشلی دولتی املاک عمومی ریاستی 1397- ییل نینگ اداغیده مذکور وزیرلیکدن اَیریلیب، شهر قوریش و ییر وزیرلیگی بیلن بیرگه بولگن.
