افغانستان ایشلاوچیلر ملی بیرلشمهسی (امکا) کمیده بیر هفته آلدین، «مذکور بیرلشمهنینگ برچه جایدادلرینی دولتی بیلیب و اونی غصب قیلیش خصوصیده» جمهور رییس تامانیدن بیریلگن فرمان توغریسیده ناراضیلیک بیلدیرگن ایدی. بوگون خبری بیر ییغینده اوشبو بیرلشمهنینگ ایتیشیچه، بو موضوع نی جمهورلیک ریاستی و اجراییه ریاستی بیلن شریک قیلگن، بیراق اوتگن بیر هفته جریانیده حکومت رسمیلری اولرنینگ اعتراضلریگه دقت قیلمهی و تینچلیک اختیار قیلگن.
امکا باشلیغی معروف قادرینینگ ایتیشیچه، ایشلاوچیلر بیرلشمهسینینگ جایدادلری توغریسیده، جمهورلیک ریاستینینگ حرکتی جمهور رییس غنینینگ اوزی تصدیقلگن جمعیتلر قانونی گه قرشی دیر. جناب قادرینینگ ایتیشیچه، حکومت ایستهگن صورتده، مذکور بیرلشمه ریاستی دن چیکلنهدی، بیراق «اوشبو بیرلشمه یخشی حکومتدارلیکده اونملی رول اوینهگنی باعث، حکومتدن بیر لشمهنی بوزمهسینی ایستهیدی.»
افغانستان ایشلاوچیلر بیرلشمهسی اعضالرینینگ آگاهلنتیریشیچه، جمهورلیک ریاستی قراری گه قیته تیکلمهگن صورتده، امکا اعضالری جایدادلرینی سقلش اوچون هر بیر ایش گه قول اوریشلری ممکن.
.jpg)
اولرنینگ ایتیشیچه، بو جایدادلر ایشلاوچیلرنینگ اعضالیک پولی دن ساتیب آلینگن و بو ییرلرنی غصب قیلیش گه حکومتنینگ حقی یوق دیر.
بیراق، جمهورلیک ریاستی مطبوعات دفتری سرپرستی شاهحسین مرتضوینینگ ایتیشیچه، امکا اعضالری قیینچیلیکلرینی جمهور رییس غنی بیلن شریک قیلیشلری کیرهک و «سیسلری ایشیتیلهدی.»
قویاش 1396- ییل، 30- حوت ده، جمهورلیک ریاستی بیر فرمان صادر ایتیب افغانستان ایشلاوچیلر بیرلشمهسینینگ برچه جایدادلرینی دولتی اعلان قیلیب و امنیتی ادارهلرگه بیرلشمه ملکیتلرینی مالیه وزیرلیگی گه انتقال بیریش خصوصیده، بویروغ بیردی.
امکا مسؤوللرینینگ ایتیشیچه، حاضر مرکز و ولایتلرده امکانینگ بوتون نمایندهلری امنیتی کوچلر تامانیدن باسقین آستیده آلینگن.
