بوگون «دوشنبه» اجراییه باشلیغی و نمایندهلر کینگشی اعضالریدن بیرقطارینینگ حضوریده افغانستان بوییچه هند ایلچیسی و اقتصاد، اجتماعی ایشلر، عالی اوقوو، معارف، قیشلاقلرنی کینگهیتیریش، ساغلیقنی سقلش، عدلیه و شهر قوریش وزیرلیکلری و شونینگدیک، ادارهلردن بیرقطاری آرهسیده، اجتماعی تأثیرلری یوقاری 26 رواجلنتیریش پروژه شرطنامهسی امضاءلندی.
اقتصاد وزیری مصطفا مستورنینگ ایتیشیچه، اوشبو پروژهلر کابل، بامیان، دایکندی، بادغیس، کاپیسا، لوگر، بدخشان، هلمند، غور، ننگرهار، خوست، بلخ، سرپل و هرات ولایتلریده عملگه آشیریلهدی.
اونگه کوره، اوشبو پروژهلر تطبیق ایتیلگن صورتده، کمبغللیک کمهییشی و اقتصادی مهاجرتلر آلدی آلینیشی گه ایجابی تأثیر قویهدی.
اقتصاد وزیرلیگی مسؤوللرینینگ ایتیشیچه، اوشبو پروژهلر اقتصاد وزیرلیگی اویغونلیگی بیلن افغانستان تینچلیگی و رواجلنیشی اوچون ملی چهارچوبه و دواملی رواجلنتیریش مقصدلری اساسیده، عملگه آشیریلهدی.
اوشبو 26 پروژه 9.5 میلیون دالر خرجت کوترهدی و بو مبلغ اجتماعی تأثیرلری یوقاری پروژهلر اوچون هندوستاننینگ 120 میلیون دالرلیک یاردمیدن توللنهدی.
هند، میلادی 2005- ییلدن 2021- ییلگچه اوچ باسقیچده 120 میلیون دالرلیک اجتماعی تأثیرلری یوقاری 577 رواجلنتیریش پروژه توغریسیده سوز بیرگن و او زماندن حاضرگچه 65 میلیون دالرلیک 327 پروژه یکونلنگن و قالگنی ایش آستی یا-ده تدارکات آستیده بولگن.
اجتماعی تأثیرلری یوقاری رواجلنتیریش پروژهلر کوپلب چیگرهیی تومنلرده عملگه آشیریلهدی.
