بلخ ولایتی بوییچه ایکینچیلیک، سوو ییتکزیش و چارواچیلیک ریاست مسؤوللری نینگ ایتیشیچه، جاری ییل اوشبو ولایتده عسل ایشلب چیقریش میزانی 25% کوپهیگن. مذکور ریاست مسؤوللری گه کوره، بو ولایتده هوا مناسب بولگنی و گلخانهلر ایجاد ایتیلگنی سبب، خالص عسل ایشلب چیقریش میزانی آشگن.
بلخ ولایتی بوییچه ایکینچیلیک ریاست باشلیغی سالم ساعی نینگ سلاموطندارگه ایتیشیچه، بو ولایتده زنبور صندوقلری نینگ سانی ایکی مینگ گه ییتیشگن و ایکینچیلر باشقه زمانلرگه نسبتن کوپراق عسل ایشلب چیقریش ایشی بیلن شغللنهدیلر.
بلخ ولایتیده ایکینچیلیک ریاست مسؤوللری نینگ ایتیشیچه، بلخ عسلی صفت نقطهی نظردن نایاب دیر و شو یوزه دن ایچکری و تشقری ده مشتری تاپگن.
جناب ساعی گه کوره، شهرلردن اوزاق یشیل منطقهلرده اونلب عسل اریچیلیک مزرعه ایجاد ایتیلگن و اولرنینگ سانی کون اوتیشی بیلن آشهدی.
افغانستان اروپایی و آسیایی مملکتلرگه عسل صادر قیلیش کوچی گه قادر بولگن، قوشنی مملکتلردن آلیب کیلینهدیگن صفتسیز عسل توپلم صفتینی قیینچیلیککه دوچ قیلگن.
بلخ ولایتی نینگ دهدادی تومنیده زنبوردارلر انجمنی باشلیغی نورآغا سلطانی نینگ سلاموطندارگه ایتیشیچه، اهالی نینگ علاقهسی تشقی محصولات گه کوپ بولگنی اوچون بو ولایتده ایشلب چیقریلهدیگن عسل گه مشتری تاپیلمهیدی.
جناب سلطانی، مذکور ولایت نینگ مسؤوللریدن صفتلی محصولاتلری گه بازار تاپیشی و صفتسیز محصولات تشقریدن آلیب کیلینیشی گه توسیق بولیشینی سورهگن.
