قندهارده بلیغ ییتیشتیریشدن ییلده 10 میلیون دالر درامد قیلینهدی.
قندهار ولایتینینگ ایکینچیلیک، سوولنتیریش و چارواچیلیک ریاستینی مطبوعات مسؤولی حبیبالرحمان سجادنینگ سلاموطندارگه ایتیشیچه، اوشبو ولایتده 800 بلیغ ییتیشتیریش فارم موجود و هر کون اوشبو فارملردن 3000 کیلو بلیغ گوشتی باشقه ولایتلرگه ترقهتیلهدی.
جناب سجادنینگ ایتیشیچه، اوشبو فارملردن بلیغ گوشتی ترقهتیلیشیدن ییلده 10 میلیون دالر درامد قولگه کیلهدی و بو فارملرده 1500 کیشی ایش قیلهدی.
اونگه کوره، بلیغ ییتیشتیریش فارملردن کوپینچهسی دامان، دند، ژری، ارغنداب، شاهولیکوت و پنجوایی تومنلریده فعالیت قیلهدی.
قندهارده بلیغ ییتیشتیریش فارمچیلریدن بیرقطارینینگ ایتیشیچه، کیچیک بلیغلرنی ییتیشتیریب و یخشی بها بیلن بازارگه ترقتهدیلر.
اولرنینگ ایتیشیچه، قندهارده بلیغ گوشتینی سقلش اوچون مناسب ییرلر توزهلگنده، بو حیواننینگ گوشتی هلمند، زابل و ارزگاندن باشقه ولایتلرگه هم صادر ایتیلیشی ممکن.
قندهار ایکینچیلیک ریاستی مسؤوللرینینگ ایتیشیچه، چارواچیلیک متخصصلری تامانیدن اورگهتیش لایحهلرینی یولگه قوییب و بو ولایتده بلیغ ییتیشتیریشنی کوپراق رواجلنتیریش خصوصیده، سعی و حرکت قیلهدیلر.
